बंगळुरू: कर्नाटकातील चित्रदुर्गात एक अशी घटना समोर आली आहे ज्यामुळे आई आणि मुलाच्या नात्याला काळीमा फासली गेली आहे. एका आर्टिफिशियल इंटेलिजन्स कंपनीच्या (एआय फर्म सीईओ) महिला सीईओ सूचना सेठने () तिच्या ४ वर्षांच्या मुलाची हत्या केली आहे. इतकंच नाही तर ती मुलाच्या मृतदेहाची विल्हेवाट लावण्यासाठी त्याला पोत्यात भरुन गोव्याहून कर्नाटकला जात होती. यावेळी पोलिसांनी तिला अटक केली. ही महिला माइंडफुल एआय लॅबची (Mindful AI Lab) संस्थापक आहे, जी तिने २०२० मध्ये सुरू केली होती. माइंडफुल एआय लॅब डेटा सायन्स टीम आणि स्टार्टअप्सना सल्ला देण्याचे काम करते. तसेच, ती मशीन लर्निंग सोल्यूशन्स देण्याचं काम करते. सूचनाला या क्षेत्रातील १२ वर्षांचा अनुभव आहे. इतक्या निर्दयीपणे आपल्या मुलाची हत्या करणाऱ्या या महिलेचा २०२० मध्ये एआय एथिक्समधील टॉप-१०० प्रतिभावान महिलांमध्ये समावेश करण्यात आला आहे.सूचना सेठच्या लिंक्डइन खात्यावर नजर टाकली तर असं दिसून येतं की तिने हार्वर्ड विद्यापीठाच्या बर्कमॅन क्लेन सेंटरमध्ये फेलोशिप केली आहे. बर्कमॅन आणि डेटा अँड सोसायटी येथे तिने व्यवसायात एथिकल मशीन लर्निंग आणि एआयला संचालित करण्याच्या पद्धतींचा अभ्यास केला. यानंतर, २०२० मध्ये, तिने द माइंडफुल एआय लॅबची स्थापना केली, जी AI आधारित स्टार्टअप आहे. सूचना सेठकडे आर्टिफिशियल लँग्वेज, मशीन लर्निंग, नॅचरल लँग्वेज प्रोसेसिंग आणि टेक्स्ट मायलिंग या क्षेत्रात ४ अमेरिकन पेटंट्स आहेत.अशी आली हत्या उघडकीसएआय कंपनीची सीईओ सूचना सेठ आपल्या मुलासोबत गोव्यातील कँडोलिम येथील हॉटेलमध्ये थांबली होती. परंतु जेव्हा सूचना हॉटेलमधून बाहेर पडली तेव्हा मुलगा तिच्यासोबत नव्हता. सूचना एकटी निघून गेल्याचं पाहून हॉटेल कर्मचाऱ्यांना संशय आला. मात्र, तिने आपल्या मुलाला आधीच घरी पाठवल्याची माहिती त्यांना दिली. सूचनाने हॉटेलमधून चेक आऊट केल्यानंतर कर्मचारी खोली साफ करण्यासाठी आले असता तेथे रक्ताचे डाग पाहून त्यांना धक्काच बसला आणि त्यांनी पोलिसांना माहिती दिली.पोलिसांनी याप्रकरणी तात्काळ कारवाई करत सूचना ज्या टॅक्सीतून हॉटेलमधून बाहेर पडली होती त्या टॅक्सी चालकाचा फोन नंबर शोधून त्याला संपूर्ण प्रकरण सांगितलं. पोलिसांशी झालेल्या संभाषणानंतर टॅक्सी चालकाने तिला थेट कर्नाटकातील चित्रदुर्ग भागातील पोलिस ठाण्यात नेले आणि अशा प्रकारे सूचनाला पोलिसांच्या ताब्यात घेतलं. तेथून नंतर गोवा पोलिसांनी चित्रदुर्ग गाठून सूचनाला अटक केली.Read Latest And
