भव्य प्राचीन किल्ल्यांपासून ते राष्ट्रीय उद्यानांपर्यंत राजस्थानमध्ये भेट देण्यासाठी असंख्य ठिकाणे आहेत जी केवळ तुमचे ऐतिहासिक ज्ञान वाढवतीलच असे नाही तर तुमच्या या ट्रिपमध्ये एक उत्साह देखील निर्माण करतील. तर राजस्थान हे क्षेत्रफळाच्या बाबतीत भारतातील सर्वात मोठे राज्य असून त्याच्या समृद्ध इतिहास, संस्कृती आणि स्वादिष्ट पाककृतींसाठी ओळखले जाते. राजस्थानचे गुलाबी शहर जयपूर असो किंवा उदयपूर, जोधपूर आणि बिकानेर असो, प्रत्येक शहराचे स्वतःचे वेगळे आकर्षण आणि भेट देण्यासाठी असंख्य ठिकाणे आहेत, येथील प्रत्येक ठिकाणांची स्वतःची काही ना काही खास कथा आहेत. तुम्ही ऑक्टोबरमध्ये येथे फिरायला जाण्याचा प्लॅन बनवू शकता. तर, राजस्थानमधील भेट देण्यासाठी ही सर्वोत्तम ठिकाणे एक्सप्लोर करूयात.
राजस्थान हे असे ठिकाण आहे जिथे तुम्ही मित्रांसोबत किंवा कुटुंबासोबत भेट देऊ शकता. पण तुम्ही या ठिकाणी फिरताना ग्रुपने ठिकाणं एक्सप्लोर करा. सर्वात चांगली गोष्ट म्हणजे राजस्थान हे असे ठिकाण आहे जिथे तुम्हाला फिरण्यासाठी मोठ्या बजेटची आवश्यकता नाही.
पिचोला तलाव हे खूप सुंदर ठिकाण आहे
राजस्थानमधील तलावांचे शहर म्हणून ओळखले जाणारे उदयपूर येथे भेट देण्यासाठी अनेक अद्भुत ठिकाणे आहेत, परंतु तुम्ही पिचोला तलाव नक्कीच एक्सप्लोर करावा. हे राजस्थानमधील सर्वात मोठ्या तलावांपैकी एक आहे. आजूबाजूच्या नैसर्गिक सौंदर्यासोबतच बेटांवर बांधलेले राजवाडे आणि मंदिरे हे एक प्रमुख आकर्षण आहे. तुम्ही तलावावर बोटिंगचा आनंद देखील घेऊ शकता.
थार वाळवंट एक्सप्लोर करा
राजस्थानचे सुवर्णनगरी म्हणून ओळखले जाणारे जैसलमेर हे त्याच्या थारच्या वाळवंटासाठी ओळखले जाते. जर तुम्ही राजस्थानला भेट देत असाल तर तुम्ही या ठिकाणी फिरायला जावे. तसेच या ठिकाणी रात्री लोकनृत्य सादर केले जाते, जो एक संस्मरणीय अनुभव असेल. जैसलमेरमध्ये वाळूच्या दगडांचे किल्ले आणि वाडे देखील आहेत.
करणी माता मंदिर
करणी माता मंदिर हे अवश्य भेट देण्यासारखे आहे. ते राजस्थानमधील बिकानेर येथे आहे. येथील सर्वात आकर्षक वैशिष्ट्य म्हणजे मंदिरातील असंख्य उंदीर. तर या ठिकाणाला भेट देण्यासाठी लोकं येत असतात. बिकानेरच्या भुजिया व्यतिरिक्त, बडा दही भल्ला, बडी रोटी आणि छट्टा चुस्की सारखे लोकप्रिय पदार्थ आस्वाद घेण्यासारखे आहेत.
या किल्ल्याला नक्की भेट द्या
राजस्थानमधील कुंभलगड किल्ला तुम्ही नक्कीच पाहायला हवा. ग्रेट इंडियन वॉल म्हणूनही ओळखला जाणारा हा किल्ला अरवली पर्वतरांगांच्या पश्चिमेकडील रांगेत आहे. हा किल्ला केवळ इतिहासच सांगत नाही तर त्याच्या सभोवतालच्या परिसराचा सुंदर अनुभव देखील खूप सुंदर आहे.
नैसर्गिक सौंदर्यासाठी येथे जा
राजस्थानमध्ये अनेकदा थार वाळवंटाची आठवण येते, परंतु राजस्थानच्या या ठिकाणी नैसर्गिक सौंदर्य देखील पाहायला मिळेल. माउंट अबू हे राज्यातील एकमेव हिल स्टेशन आहे. डोंगराळ प्रदेश असल्याने येथील हवामान आल्हाददायक आहे आणि सर्वत्र हिरवळ असते.
ट्रिपमध्ये ॲड करा हे खास ठिकाणं
राजस्थान त्याच्या ऐतिहासिक स्थळांसाठी प्रसिद्ध आहे, परंतु रणथंभोर राष्ट्रीय उद्यानाला भेट दिल्यास तुमची ट्रिप अधिक स्मंरणीय बनते. तुम्ही येथे जंगल सफारीचा आनंद घेऊ शकता. वाघांचे घर असलेल्या या ठिकाणी तुम्हाला बिबट्या, अस्वल, चितळ, सांबर, चिंकारा आणि साळू आणि इतर वन्यजीव देखील पाहायला मिळतील.
गुलाबी शहरातील या ठिकाणांना भेट द्या
राजस्थानच्या गुलाबी शहर जयपूरमधील हवा महल हे सर्वात लोकप्रिय ठिकाणांपैकी एक आहे. याव्यतिरिक्त, जंतरमंतर, नाहरगड किल्ला, आमेर किल्ला, सिटी पॅलेस, तोरण द्वार, पत्रिका गेट, सेंट्रल पार्क जयपूर, बिर्ला मंदिर आणि मावठा तलाव आहे. यापैकी अनेक ठिकाणे भेट देण्यासाठी मोफत आहेत, तर काहींना तिकिटे लागू करण्यात आली आहे. या पलीकडे, राजस्थानमध्ये एक्सप्लोर करण्यासाठी बरेच काही आहे.
