सोलापूर: राज्याचे जलसंधारण मंत्री यांच्या गाडीनं एका तरुणाला उडवलं आहे. अपघातात जबर जखमी झालेल्या तरुणाचा उपचाराआधीच मृत्यू झाला आहे. या घटनेमुळं संतप्त झालेल्या जमावानं सावंत यांच्या गाडीची तोडफोड केल्याची माहिती देखील समोर येत आहे. बार्शी तालुक्यातील शेळगाव होळे येथे आज सकाळी ही घटना घडली. सावंत यांची गाडी बार्शीहून शेळगावकडे निघाली होती. भरधाव वेगात असलेल्या या गाडीनं भाजी विकणाऱ्या एका तरुणाला धडक दिली. त्यात तो जबर जखमी झाला. उपचाराला नेण्याआधीच त्याचा मृत्यू झाला. श्याम असं या तरुणाचं नाव आहे. अपघात झाला तेव्हा तानाजी सावंत हे गाडीतच होते. मात्र, अपघातानंतर लगेचच त्यांनी दुसऱ्या एका गाडीनं घटनास्थळावरून काढता पाय घेतला. या घटनेमुळं लोकांमध्ये संताप असून सावंत यांच्यावर कठोर कारवाईची मागणी होत आहे.
