न्यूयॉर्क: भारताने संयुक्त राष्ट्रांच्या आम सभेत () यांच्या भाषणाला चाणाक्ष पद्धतीने पाकिस्तानविरोधातच वापरलं. राइट टू रिप्लायअंतर्गत परराष्ट्र मंत्रालयाच्या सचिव विदीशा मैत्रा यांनी इम्रान यांच्या उन्मादी भाषणाच्या पार्श्वभूमीवर पाकिस्तानला आरोपी च्या पिंजऱ्यात उभं केलं. त्यांनी पाकिस्तानला दहशतवादाची फॅक्टरी म्हटलं आणि मानवाधिकाराच्या आड इस्लामाबादद्वारे सुरू असलेल्या दहशतवादी अजेंड्याचा बुरखाही फाडला. भारताने इम्रान यांच्या भाषणावरून पाच प्रश्न विचारले. १) संयुक्त राष्ट्राने घोषित केलेल्या १३० दहशतवाद्यांचं आणि २५ दहशतवादी संघटनांचं पाकिस्तान हे घर आहे, याला पाकिस्तान दुजोरा देतो का? २) आयसिस आणि अलकायदा सारख्या संघटनांच्या यूएनद्वारे घोषित केलेल्या दहशतवाद्यांना पेंशन देणारा पाकिस्तान हा जगातला एकमेव देश आहे, हे पाकिस्तानला मान्य आहे का? ३) न्यूयॉर्कमध्ये पाकिस्तानची प्रिमीयर बँक हबीब बँकेला कोट्यवधी रुपयांच्या टेरर फंडिंगमुळे टाळं ठोकण्यात आलं याचं स्पष्टीकरण पाकिस्तान देईल का? ४) फायनान्शिअल अॅक्शन टास्क फोर्सने पाकिस्तानला २७ मापदंडांपैकी किमान २० मापदंडांचे उल्लंघन केल्याने नोटीस पाठवली आहे, याला पाकिस्तान नकार देतोय. ५) पाकिस्तान न्यूयॉर्कच्या या शहरात (जिथे अलकायदाने जगातला सर्वात भीषण ९/११ चा हल्ला केला) या गोष्टीला नकार देईल का की पाकिस्तानने ओसामा बिन लादेनचा जाहीर बचाव केला होता? वाचा:
