म. टा. प्रतिनिधी, पिंपरी: ‘मी ताकाला जाऊन भांडे लपवत नाही. आमच्या काही कुरबूरी होत्या. मात्र, आम्ही सत्तेसाठी युती केली आहे, सत्तेसाठी निवडणूक लढवत आहोत’, अशी कबुली पक्षप्रमुख यांनी भर सभेत दिली. ‘आमचे वाद शेतकऱ्यांच्या, गोरगरिबांच्या प्रश्नांसाठी झाले होते. आता शिवसेना आणि याच एका विचाराने एकत्र आले आहे. गोरगरीबांचे आणि महाराष्ट्राचे भले करण्यासाठी सत्ता हवी आहे’, असेही त्यांनी सांगितले. पिंपरी मतदार संघतील महायुतीचे उमेदवार अॅड. गौतम चाबुकस्वार यांच्या प्रचारार्थ पिंपरी येथे आयोजित सभेत उद्धव ठाकरे बोलत होते. काँग्रेस - राष्ट्रवादी यांच्यावर टीका करताना उद्धव ठाकरे म्हणाले, आता सभांची आवश्यकता आहे असे वाटत नाही. समोर लढायला कोण आहे. टीका करायची झाली तर करायची कोणावर? राष्ट्रवादीचे नेते शिवसेना भाजपात जाऊ नये म्हणून राष्ट्रवादी त्यांचा दरवाजा धरून बसली आहे. तर काँग्रेस आधीच भुईसपाट झाली आहे. दोन्ही पक्षांचा एकमेकांना ताळमेळ नाही. त्यांना उमेदवारदेखील मिळत नाही. अपक्ष उमेदवरांना पाठींबा देण्याची वेळ यांच्यावर आली आहे. लोकसभेच्या निवडणुकीत कोल्हापूरकरांनी ‘आमचं ठरलंय’, असे सांगितले होते. आता संपूर्ण महाराष्ट्रानेच सांगितले आहे की शिवसेना - भाजपचं सरकार निवडून द्यायच आहे हे ‘आमचं ठरलंय’.
