गंभीरचं क्रिकेट करिअर मी संपवलं; पाकच्या इरफान मोहम्मदचा दावापार्थ भादुरी/ नवी दिल्ली: इंग्लंडचा माजी कर्णधार यानं सध्याचे क्रिकेट आणि सर्वोत्तम क्रिकेटपटूंबद्दल आपलं मत मांडलं आहे. हा या काळातला सर्वोत्तम कर्णधार आहे, असं तो म्हणाला. धोनी हा रणनिती आखणारा उत्तम क्रिकेटपटू आहे. तो नेहमी वेगळा विचार करतो, असं तो म्हणाला. मायकल वॉन यानं टाइम्स ऑफ इंडियाला विशेष मुलाखत दिली. त्यात त्यानं या काळातील क्रिकेट, त्याच्या गरजा आणि क्रिकेटपटूंमध्ये कोण का सर्वोत्तम आहे? यासंबंधी दिलखुलासपणे मतं मांडली. बेन स्टोक्स आणि स्टीव्ह स्मिथ या दोघांनी सर्व वादांतून स्वतःला सावरलंय... होय, या दोन क्रिकेटपटूंकडून मोठ्या चुका झाल्या होत्या. या दोघांना पश्चाताप नक्कीच झाला असेल असा मला विश्वास आहे. युवा खेळाडूंकडून चुका होऊ शकतात हे वास्तव आपल्याला स्वीकारायला हवं. अशा परिस्थितीतही लढा देऊन पुनरागमन कसं करायचं हे यातून शिकण्यासारखं आहे. जे झालं ते झालं, त्यातून धडा घेत पुनरागमन करू शकतो हे त्यातून शिकता येईल. स्टीव्ह स्मिथ आणि बेन स्टोक्स हे त्याचे उत्तम उदाहरण आहे. इंग्लंडच्या ड्रेसिंग रुममध्ये स्टोक्स महत्वाची भूमिका निभावतोय.... स्टोक्सनं स्वतःला सिद्ध केलं आहे. अन्य कोणत्या खेळाडूपेक्षा त्यानं मेहनत अधिक घेतली आहे. तो एक सर्वोत्तम खेळाडू आहे. ड्रेसिंग रुममध्ये तो सकारात्मक राहतो. इतरांपेक्षा वेगळा बनण्याचा त्याचा प्रयत्न असतो. उत्तम गुणवत्ता असलेला अष्टपैलू खेळाडू जे करतो ते स्टोक्स करत आहे. लक्ष्याच्या जवळ जाणं हीच त्याची मानसिकता असते. त्यात अहंकार असण्यासारखं काहीच नाही. इंग्लंडला कसोटी आणि वनडेसाठी स्वतंत्र प्रशिक्षकांची गरज आहे... एकदिवसीय क्रिकेट आता कसोटीपेक्षा खूपच वेगळा आहे. एकदिवसीय क्रिकेटमध्ये काही ठराविक गुण निश्चित केले जातात. पण कसोटी क्रिकेट खेळताना तुम्हाला या गुणांपैकी बरेच गुण सोडावे लागतात. ऑस्ट्रेलिया, इंग्लंड आणि भारत हे क्रिकेटमधील तीन पॉवरहाऊस सध्या चोवीस तास क्रिकेट खेळत आहेत. अशा वेळी एका खेळाडूला चेंडू मैदानाबाहेर टोलवण्याचे प्रशिक्षण देत असाल आणि त्याच्या दुसऱ्या आठवड्यात डिफेन्सिव्ह खेळायला सांगत असाल तर त्याच्यासाठी ते तितकसं सोपं नाही. पण जर तुमच्याकडे स्वतंत्र प्रशिक्षक असतील तर खेळाडूला हे शिकवणं थोडं सोपं जाईल. संबंधित बातम्या: स्वतंत्र कर्णधाराबाबत तुमचं काय मत आहे? मी नेहमीच स्वतंत्र प्रशिक्षकांबाबत मत व्यक्त करत असतो. कारण माझ्या मतानुसार तेच उत्तम आहे. तसंच स्वतंत्र कर्णधारांचा फॉर्म्युलाही योग्य ठरतो. पण त्या जागेवर योग्य खेळाडू मिळायला हवा. अन्यथा तुमच्याकडे विराट कोहली आणि विलियमसनसारखे सुपरहिरो असायला हवेत. सध्याचा सर्वोत्तम कर्णधार कोण आहे? केन विलियमसन खूपच उमदा आहे. जास्त काही न बोलता संघाचं उत्तम नेतृत्व करतो. त्याला निसर्गानं दिलेली सर्वोत्तम भेट आहे. तो संघ सहकाऱ्यांना समजून घेतो आणि त्यांचं नेतृत्व करतो. तो या संघाची ताकद आहे ही बाब आपसुकच प्रत्येकाच्या लक्षात येते. ५० षटकांच्या क्रिकेट प्रकारात इयॉन मॉर्गनही जरा वेगळा आहे. सध्या महेंद्रसिंग धोनी आंतरराष्ट्रीय क्रिकेट संघाचं नेतृत्व करत नाही, पण आमच्या काळात ज्यांना मी नेतृत्व करताना पाहिलं त्यात धोनी हा सर्वोत्तम कर्णधार आहे. यष्टीच्या मागे राहून तो ज्या पद्धतीनं रणनिती आखतो, इतरांपेक्षा वेगळा विचार करतो आणि फलंदाजीही उत्तम करतो हे सगळं वाखाणण्याजोगं आहे. कसोटीत विराट कोहली प्रचंड उर्जा असलेला उत्तम फलंदाज आहे. त्याची शैली मला खूपच आवडते. कसोटी क्रिकेट वाचवण्याची आवश्यकता आहे? कसोटी क्रिकेट सर्वोच्च स्थानी राहावं असं अनेकांना वाटतं. इंग्लंडमध्ये कसोटी खेळणं हा एक उत्तम अनुभव असतो. गोलंदाजांसाठी खेळपट्टी मदतगार ठरते. म्हणूनच इंग्लंडमध्ये कसोटी प्रख्यात आहे. कसोटी चेंडूसाठी काही मानकं निश्चित करावीत असं बोललं जातंय.... आपण जगभरात एकाच चेंडूने खेळू शकत नाही. कारण वेगवेगळे स्पॉन्सर आणि ब्रँडचाही प्रश्न आहे. किमान गोलंदाजांसाठी चेंडू चांगले बनवायला हवेत. तुम्ही अॅशेस बघाल तर त्यात बॅट आणि चेंडू यांच्यात 'सामना' रंगतो. हाच खेळ कसोटीतही व्हायला हवा.
