मुंबई : आणि टायगर श्रॉफचा अ‍ॅक्शन सिनेमा '' प्रेक्षकांच्या पसंतीस पडला असून या सिनेमाने बॉक्स ऑफिसवर धमाकेदार कमाई सुरूचं ठेवली आहे. ओपनिंग दिवशी ५१ कोटींची कमाई करणार्‍या या सिनेमानं आतापर्यंत २३३ कोटींचा व्यवसाय केला आहे. २०१९ मधील पहिल्या दिवशी सर्वाधिक कमाई करणारा सिनेमा ठरला. हा सिनेमा एकाचवेळी ५ हजार ३५० स्क्रीन्सवर झळकला आहे. या सिनेमानं दुसर्‍या शुक्रवारी ७ कोटींची कमाई केली असून दुसर्‍या शुक्रवारी सर्वाधिक कमाई करणारा सिनेमा बनला आहे. या यादीमध्ये एस.एस. राजामौलीची 'बाहुबली २' १९.८१ कोटींची कमाई करुन अव्वल स्थानावर आहे. यानंतर 'दंगल', 'पीके', 'बजरंगी भाईजान' या सिनेमांची नावं आहेत. 'वॉर' सिनेमाचं पहिल्या दिवशीचं बॉक्स ऑफिसवर ५१.५० कोटी इतकं कलेक्शन केलं आहे. पहिल्या आठवड्यात २०० कोटींपेक्षा जास्त कमाई केल्यानंतर आतापर्यंत सिनेमानं सुमारे २३३ कोटींची कमाई केली आहे. सिद्धार्थ आनंद दिग्दर्शित हा सिनेमा २ ऑक्टोबरला प्रदर्शित झाला होता. हिंदी, तमिळ आणि तेलुगू या भाषांत एकूण ४ हजार स्क्रीन्सवर वॉर प्रदर्शित झाला. या चित्रपटात वाणी कपूर आणि आशुतोष राणा व्यतिरिक्त हृतिक रोशन आणि मुख्य भूमिकेत आहेत. हा सिनेमा टायगर श्रॉफच्या करिअरमधील सर्वात यशस्वी सिनेमा ठरला आहे. यापूर्वी त्याचा 'बागी २' हा सिनेमानं १६६ कोटींच्या कलेक्शन केलं होतं. दरम्यान, 'वॉर' सिनेमाने बॉक्स ऑफिसवर एंट्रीलाच जोरदार मुसंडी मारली आहे. या चित्रपटाने पहिल्याच दिवशी ५३.३५ कोटींची कमाई करत आतापर्यंतचे सर्व विक्रम मोडीत काढले आहेत. या विक्रमामुळे 'वॉर' हा प्रदर्शनाच्या पहिल्याच दिवशी सर्वाधिक कमाई करणारा हिंदी चित्रपट, पहिल्या दिवशी सर्वाधिक कमाई करणारा राष्ट्रीय चित्रपट आणि हृतिक रोशन, टायगर श्रॉफ आणि यशराज फिल्म्सचा पहिल्याच दिवशी इतकी मोठी कमाई करणारा चित्रपट ठरला आहे. वॉर चित्रपट एकाचवेळी ५ हजार ३५० स्क्रीन्सवर झळकला आहे. हिंदी, तमिळ आणि तेलुगू या भाषांत एकूण ४ हजार स्क्रीन्सवर वॉर प्रदर्शित झाला असून विदेशात १ हजार ३५० थिएटर्समध्ये वॉरने धडक दिली आहे.
