साओ पाउलोः ब्राझीलच्या राष्ट्रपतीपदी विराजमान झाल्यानंतर जायर बोल्सोनारो यांनी भारतीयांसाठी एक आनंदाची बातमी दिली आहे. ब्राझीलमध्ये येण्यासाठी आता भारत आणि चीनच्या नागरिकांना व्हिसाची गरज राहणार नाही, अशी माहिती राष्ट्रपती यांनी गुरुवारी दिली आहे. ब्राझीलमधील पर्यटन वाढीसाठी सरकारने हा महत्त्वपूर्ण निर्णय घेतला आहे. भारत आणि चीनच्या नागरिकांना ब्राझीलला जाण्यासाठी व्हिसाची गरज नाही. दोन्ही देशांच्या दरम्यान पर्यटक आणि व्यापार संबंध अधिक दृढ व्हावे यासाठी सरकारने हा निर्णय घेतला आहे. ब्राझीलने काही दिवसापूर्वीच अमेरिका, कॅनडा, जपान आणि ऑस्ट्रेलियातील नागरिकांना व्हिसाची गरज नसल्याचे जाहीर केले होते. ब्राझीलमध्ये यावर्षी निवडणुका झाल्या होत्या. या निवडणुकीत जायर बोल्सोनारो हे राष्ट्रपती म्हणून निवडून आले होते. निवडून आल्यानंतर त्यांनी आपले धोरण आधीच जाहीर केले होते. त्यांचे सरकार हे विकसनशील देशांतील नागरिकांसाठी व्हिसाची गरज नाही, असे ब्राझीलने स्पष्ट केले आहे. दरम्यान, बोल्सानारो यांचा लवकरच बिझींग दौरा होणार असून या दौऱ्याआधी त्यांनी भारत-चीन मधील नागरिकांसाठी मोठी न्यूज दिली आहे. ब्राझील, रशिया, भारत, चीन आणि दक्षिण अफ्रिका या देशांची ब्रीक्स परिषद ही ब्राझीलची राजधानी ब्रासीलिया या ठिकाणी १४ ते १४ नोव्हेंबर रोजी होणार आहे. या बैठकीला भारताचे पंतप्रधान नरेंद्र मोदी सहभागी होणार आहेत. या बैठकीत मोदी आणि बोल्सोनारो यांच्यात अनेक मुद्द्यांवर समझौता करार होणार आहेत. याआधी या दोन्ही नेत्यांत जूनमध्ये झालेल्या जी-२० च्या बैठकीत चर्चा झाली होती.
