मुंबई: 'दूरसंचार नियामक प्राधिकरणा'ने (ट्राय) आणि केबलधारकांना चॅनेल निवडीचे स्वातंत्र्य देऊनही त्यांना येणाऱ्या अडचणी, कंपन्यांकडून ग्राहकांना हवे ते चॅनेल्स न पुरवण्याचे सातत्याने होत असलेले प्रकार, कंपन्यांच्या वेबसाइट आणि मोबाइल अॅप्सवर उपलब्ध असलेल्या क्लिष्ट प्रक्रियेमुळे 'ब्रॉडकास्टिंग'संदर्भात नवे धोरण लागू करूनही ग्राहकांना अडचणींचा सामना करावा लागत आहे. त्यावर उपाय म्हणून 'ट्राय'ने अनेक प्रयत्न केले. पूर्वीपेक्षा अधिक पैसे मोजावे लागत असल्याचंही ग्राहकांनी सांगितलं आहे. असं असताना ट्रायने नवीन नियमांची यादी जारी केली आहे. डीटीएच धारकांना आता केवायसी() करणं बंधनकारक असणार आहे. 'ट्राय'कडून सर्व डीटीएच ऑपरेटर्संना त्यांच्या ग्राहकांचे करण्याचे आदेश दिले आहेत. ट्रायचा हा केवायसीचा नियम जुन्या आणि नवीन दोन्ही ग्राहकांना लागू होणार आहे. डीटीएच ऑपरेटर्संना त्यांच्या सर्व ग्राहकांचे केवायसी करण्याचे आदेश ट्रायने दिले आहेत. सिमकार्ड खरेदी करताना ज्या प्रकारे केवायसी प्रक्रिया असते त्याच प्रमाणे डीटीएचसाठीही करावी लागणार आहे. नवीन ग्राहकांना डीटीएच खरेदी करता केवायसी करावं लागेल तर, जुन्या ग्राहकांना केवायसी करण्यासाठी दोन वर्षांचा कालावधी देण्यात येईल. SMSनं चॅनल निवडता येणार डीटीएच धारकांसाठी खूशखबर आहे. एका टेक्स्ट मेसेजच्या माध्यमातून चॅनल सबस्क्राइब किंवा अनसबस्क्राइब करता येणार आहे. लवकरात लवकर एसएमएसच्या माध्यमातून चॅनल जोडण्याची किंवा हटवण्याची सुविधा देण्यात यावी, असे आदेश दूरसंचार नियामक प्राधिकरण म्हणजेच ट्रायनं डिस्ट्रीब्युशन प्लॅटफॉर्म्स ऑपरेटर्सना (डीपीओ) दिले आहेत. डीटीएचधारकांना आता टेक्स्ट मेसेजच्या माध्यमातून आता चॅनल घेता येणार आहे किंवा हटवता येणार आहे. ९९९ क्रमांकावर सर्व चॅनल्सची यादी एमआरपीसह उपलब्ध करून देण्यात यावी, असे आदेशही ट्रायनं सर्व डीपीओंना दिले आहेत. ही सुविधा दिल्यानं डीटीएचधारकांना आपल्या पसंतीचे चॅनल निवडता येणार आहेत. तसंच प्रत्येक चॅनलसाठी आपण किती पैसे मोजणार आहोत याचीही माहिती मिळणार आहे.
