संकेत धनोरकर/ मुंबई: जर तुम्हाला सरकारी मिळत असेल, तर हयात असल्याचे प्रमाणपत्र जमा करण्यासाठी नोव्हेंबरमध्ये बँका किंवा पोस्ट ऑफिसमध्ये फेऱ्या माराव्या लागतात. दरवर्षी नोव्हेंबरमध्ये ही प्रक्रिया पूर्ण करावी लागते. अनेक वृद्धांना बँका आणि पोस्ट ऑफिसच्या चकरा माराव्या लागतात. त्यात वेळही वाया जातो. ३० नोव्हेंबरपर्यंत प्रमाणपत्र जमा न केल्यास पेन्शन थांबवली जाते. मात्र, प्रमाणपत्र जमा करण्यासाठी ज्येष्ठांना आता बँका किंवा पोस्ट ऑफिसला फेऱ्या माराव्या लागणार नाहीत. सरकारतर्फे गेल्या काही वर्षांपासून प्रमाणपत्र जमा करण्यासाठी ऑनलाइन सुविधा सुरू करण्यात आली आहे. यूनिक प्रमाण आयडी तयार करावा लागेल डिजिटल (डीएलसी) मिळवण्यासाठी पेन्शनधारकांना एक यूनिक प्रमाण आयडी तयार करून घ्यावा लागेल. आयडी आधार क्रमांक आणि बायोमेट्रिकच्या माध्यमातून तयार करता येऊ शकतो. पहिल्यांदा आयडी तयार करायचा असल्यास तुम्हाला आधार सेवा केंद्र अथवा पेन्शन देणाऱ्या एजन्सीच्या शाखेवर जावे लागेल. तिथे आधार क्रमांक, मोबाइल क्रमांक, पेन्शन पेमेंट ऑर्डर (पीपीओ) क्रमांक आणि पेन्शन खात्यासह फिंगरप्रिंट द्यावा लागेल. त्यानंतर तुमच्या मोबाइल क्रमांकावर मेसेज येईल. त्यात आयडीसंबंधी माहिती असेल. उमंग अॅपवरूनही प्रमाणपत्र मिळवू शकता! आयडी तयार केल्यानंतर तुम्ही डिजिटल लाइफ सर्टिफिकेट जीवन प्रमाण पोर्टलवर (https://jeevanpramaan. gov.in) ऑनलाइन सबमिट करू शकता. संबंधित एजन्सी ते या पोर्टलवरून अॅक्सेस करेल. पेन्शनधारकांना मोबाइल फोन किंवा कॉम्प्युटरवर उमंग अॅपद्वारे प्रमाणपत्र तयार करता येईल. पेन्शन देणाऱ्या एजन्सी आजारी असलेल्या ज्येष्ठ नागरिकांच्या घरी जाऊन आधार कार्ड चौकशीची सुविधाही उपलब्ध करून देत आहेत. ही प्रक्रिया सोपी करण्यासाठी आणि ज्येष्ठांच्या अडचणी दूर करण्यासाठी काही बँका हयात प्रमाणपत्रासाठी कॅम्पचं आयोजनही करतात. एकदा तयार केलेला आयडी 'लाइफटाइम' नसतो. डिजिटल सर्टिफिकेटची वैधता पेन्शन प्राधिकरणाच्या नियमांवर आधारित असते.
