नवी दिल्लीः दूरसंचार उद्योगात स्पर्धा लक्षणीय वाढली आहे. ग्राहकांना आकर्षित करण्यासाठी टॅलिकॉम कंपन्यांनी कंबर कसली आहे. रिलायन्स जिओ, एअरटेल, सर्वच कंपन्या ग्राहकांसाठी नवीन लाँच करत असतात. ग्राहकही २०० रुपयांपेक्षा कमी प्रीपेड प्लॅन घेणं पसंत करतात. जाणून घेऊया कमी किमतीतील बेस्ट प्लान कोणते. रिलायन्स जिओ, एअरटेल आणि वोडाफोन-आयडिया यांतील कोणता प्लान बेस्ट आहे. रिलायन्स जिओचा १४९ रुपयांचा प्रीपेड प्लान रिलायन्स जिओच्या १४९ रुपयांच्या या प्लानमध्ये २८ दिवसांची वॅलिडिटी मिळत होती. मात्र, आता फक्त २४ दिवसांचीच वॅलिडिटी मिळणार आहे. त्या जागी आता प्लानमध्ये ३०० नॉन-जिओ व्हॉइस कॉलिंग मिनिट मिळणार आहेत. जिओच्या प्रीपेड प्लानमध्ये १.५ जीबी डेटा ग्राहकांना मिळतो त्याचबरोबर, जिओ टू जिओ अनलिमिटेड कॉलिंगची सुविधा ग्राहकांसाठी उपलब्ध आहे. एअरटेलचा १९९ रुपयांचा प्रीपेड प्लान एअरटेलच्या या प्लानमध्ये २८ दिवसांची वॅलिटिडी असून १.५ जीबी डेटा रोज मिळणार आहे. त्याचबरोबर अनलिमिटेड कॉलिंग आणि रोज १०० एसएमएस ग्राहकांना मिळणार. वोडाफोनचा १९९ रुपयांचा प्रीपेड प्लान वोडाफोनचा हा प्लॅन काहीसा एअरटेलच्या प्रीपेड प्लानसोबत मिळता-जुळता आहे.यातही ग्राहकांनी २८ दिवसांसाठी १.५ जीबी डेटाचा लाभ मिळणार आहे. तसंच, अनलिमिटेड कॉलिंग आणि रोज १०० एसएमएसची सुविधा देण्यात येणार आहे.
