मुंबईः शिवसेनेला पाठिंबा देण्यावरून आम्ही कुठलीही अट घातलेली नाही, असं राष्ट्रवादी काँग्रेसचे अध्यक्ष शरद पवार यांनी स्पष्ट केलंय. पण शिवसेनेच्या पाठिंब्यावर काँग्रेस आणि राष्ट्रवादी काँग्रेस मिळून निर्णय घेणार, असल्याचं शरद पवार म्हणाले. राष्ट्रवादी काँग्रेसच्या कोअर कमिटीची मुंबई वाय. बी. सेंटरमध्ये बैठक सुरू झालीय. तर दुसरीकडे दिल्लीत काँग्रेस अध्यक्ष सोनिया गांधी यांची पक्षाच्या वरिष्ठ नेत्यांशी चर्चा करत आहेत. शिवसेनेला पाठिंबा द्यायचा की नाही, यावर काँग्रेसचा निर्णय होण्याची शक्यता आहे. काँग्रेसच्या बैठीकत मल्लिकार्जुन खर्गे, अहमद पटेल हे उपस्थित आहेत. आमचा कुठलाही निर्णय झालेला नाहीः प्रफुल्ल पटेल निवडणुकीत महाआघाडीला स्पष्ट बहुमत मिळालेलं नाही. यामुळे जो काही निर्णय होईल तो काँग्रेस-राष्ट्रवादी काँग्रेस मिळून घेतील. पण सत्तास्थापनेवरून आणि मुख्यमंत्रीपदावरून माध्यमांमध्ये ज्या चर्चा सुरू आहेत. त्यात तथ्य नाही. सध्याची राजकीय परिस्थिती पाहता कोणत्याही पक्षाने कोणासोबत जावं हे एवढं सहज सोपं राहिलेलं नाही. यामुळे शिवसेनेच्या पाठिंब्याबाबत बैठकीनंतर निर्णय घेऊ. सध्या आमचा कुठलाही निर्णय झालेला नाही, असं प्रफुल्ल पटेल यांनी स्पष्ट केलंय. तसंच ध्या बैठकीनंतर निर्णय घेऊः मल्लिकार्जुन खर्गे निवडणुकीच्या निकालातून जनतेने आम्हाला विरोधात बसण्याचा कौल दिलाय. पण आता उद्धभवलेल्या राजकीय परिस्थिीवर आम्ही चर्चा करू. चर्चेनंतर निर्णय घेऊ, असं काँग्रेसचे नेते मल्लिकार्जुन खर्गे यांनी स्पष्ट केलंय.
