सोशल मीडिया साइट फेसबुकवर अमेरिकेचे माजी राष्ट्राध्यक्ष बराक ओबामी यांच्या एक व्हिडिओ सध्या खूप व्हायरल होत आहे. यात ओबामा जेवण वाढताना दिसत आहेत. बराक ओबामा एका हॉटेलमध्ये काम करत असल्याचा दावा या व्हिडिओसोबत केला जात आहे. फेसुबक यूजर Pardeep Sharma यांनी हा व्हिडिओ शेअर करत लिहिलंय, 'हे आहेत अमेरिकेचे माजी राष्ट्राध्यक्ष बराक ओबामा आज हॉटेलमध्ये काम करत आहेत, पण भारताचा लहानसा माणूसही स्वत:ला मालक समजतो. यांचे आजही मोदींपेक्षा दुप्पट आणि ट्रम्पपेक्षा चारपट फॉलोअर्स ट्विटरवर आहेत. त्यांच्याकडून शिकायला हवं भारतातल्या आणि जगातल्या सर्व नेत्यांना. भारतात एखादा आमदार किंवा मंत्रीही बंगला सोडायला तयार होत नाही.' सत्य काय? अमेरिकेचे माजी राष्ट्राध्यक्ष बराक ओबामा हॉटेलमध्ये काम करत नाहीत. या दाव्यासोबत जो व्हिडिओ शेअर केला जात आहे तो २०१६ चा आहे. अमेरिकेचे तत्कालीन राष्ट्राध्यक्ष बराक ओबामा यांनी आर्म्ड फोर्सेस रिटायरमेंट होममध्ये थँक्सगिव्हिोग जेवण दिलं होतं. त्यांनी स्वत: वाढलं होतं. गुगलवर ‘Barack Obama serving food’ किवर्ड्स सर्च केल्यावर अगदी सहजपणे ABC न्यूजचा एक युट्युब व्हिडिओ समोर येतो. हा व्हिडिओ २८ नोव्हेंबर २०१६ ला अपलोड केला होता. व्हिडिओचं शिर्षक होतं ‘Obama Serves Meal at '. इथे पाहा व्हिडिओ - व्हिडिओसोबत लिहिलेल्या ओळींनुसार, 'थँक्सगिव्हिंगच्या रात्री राष्ट्राध्यक्ष बराक ओबामा आणि फर्स्ट फॅमिलीने वॉशिंग्टन डी.सी.त मिलिटरी वेटरन्ससाठी बनलेल्या रिटायरमेंट होममध्ये जेवण वाढलं.' या व्हिडिओतील दृश्ये आणि व्हायरल व्हिडिओतील दृश्ये सारखीच आहेत. व्हिडिओत नीट निरखून पाहिल्यावर ‘Armed Forces Retirement Home’ ही दिसतं. मात्र, ट्विटरवर फॉलोअर्सची संख्या जास्त असणारा दावा योग्य नव्हे. बराक ओबाता यांचे ट्विटर वर ११० दशलक्ष म्हणजेच ११ कोटी फॉलोअर्स आहेत. पंतप्रधान नरेंद्र मोदींचे ५ कोटींहून अधिक आणि अमेरिकेचे राष्ट्राध्यक्ष डोनाल्ड ट्रम्प यांचे ६.६ कोटी फॉलोअर्स आहेत. निष्कर्ष टाइम्स फॅक्ट चेकने तपासणी केली असता आढळलं की ओबामा हॉटेलात काम करत असल्याचा दावा पूर्णपणे चुकीचा आहे. या दाव्यासोबत शेअर केला जाणारा व्हिडिओ नोव्हेंबर २०१६ चा आहे. ओबामा यांनी आपल्या कुटुंबीयांसोबत रिटायरमेंट होममध्ये माजी सैनिकांना थँक्सगिव्हिंगनिमित्त जेवण वाढलं होतं.
