नवी दिल्ली: इन्स्टंट मेसेजिंग प्लॅटफॉर्म असलेल्या व्हॉट्सअॅपने गेल्या काही वर्षांत बरेच बदल केले आहेत. त्यानुसार वापरकर्त्यांनी नवीन वैशिष्ट्यांपासून ते नवीन यूजर इंटरफेसपर्यंत कसे बदल झाले ते अनुभवले देखील आहेत. यंदा, २०१९मध्ये फेसबुकच्या मालकीचे असलेल्या या अॅपमध्ये फिंगरप्रिंट लॉक, ब्लॉक कॉन्टॅक्ट्स आणि स्टेटस प्रायव्हसी यासारख्या अनेक गोपनीय गोष्टी दिल्या गेल्या आहेत. याशिवाय मीडिया हाइड करण्याचा पर्यायही वापरकर्त्यांना मिळाला आहे. अजूनही बर्याच नव्या फिचर्सवर काम करत असून ही नवी फीचर्स पुढच्या वर्षी सर्व वापरकर्त्यांच्या हाती येऊ शकतात. पाहुयात, पुढच्या वर्षी व्हॉट्सअॅपवर कोणते येणार... डार्क मोड व्हॉट्सअॅप यूजर्स बर्याच दिवसांपासून डार्क मोडची वाट पाहत होते. मागील अनेक महिन्यांपासून अॅप डेव्हलपमेंट मोडमध्ये आहे आणि बीटा व्हर्जनमध्ये देखील ते आले आहे. बीटा व्हर्जनमध्ये, डार्क मोड तीन पर्यायांसह येऊ शकतो. हा मोड चालू केल्यावर, पार्श्वभूमी काळी होईल आणि मजकूर पांढर्या रंगात दिसू लागेल. फेस अनलॉक व्हॉट्सअॅपने अलीकडेच वापरकर्त्यांना त्यांनी केलेल्या चॅट फिंगरप्रिंटच्या मदतीने सुरक्षित करण्याचा पर्याय दिला आहे. पुढच्या वर्षी व्हॉट्सअॅप फेस अनलॉक फीचरसुद्धा देऊ शकेल. या बाबत प्रसिद्ध झालेल्या काही वृत्तांनुसार या नव्या फीचरबाबत लिहिलेही गेले आहे. परंतु हे फीचर नेमके केव्हा सुरू केले जाईल याबद्दल काही स्पष्टता नाही. डिसअॅपिअरिंग मेसेज वापरकर्त्यांद्वारे निश्चित केलेल्या मर्यादेनंतर पाठविलेले किंवा प्राप्त केलेले संदेश 'अदृश्य' होतील असे आणखी एक नवे फीचर कंपनी देण्याच्या तयारीत आहे. सुरुवातीला हे फीचर फक्त ग्रुप अॅडमीनच वापरू शकणार आहे. हे फीचर सुरू करण्याचा पर्याय ग्रुप सेटिंगमध्ये दिला जाऊ शकतो. निवडक मित्रांसाठी लास्ट सीन आपल्या मित्रांनी आपला शेवटता मेसेज केव्हा चेक केला ते वापरकर्ता पाहू शकतात. हे लपवण्याचा एक पर्यायही व्हॉट्सअॅप उपलब्ध करण्याच्या तयारीत आहे. परंतु असे केल्याने वापरकर्ते उर्वरित लोकांचे लास्ट सीन पाहू शकत नाहीत. व्हॉट्सअॅप आपल्या वापरकर्त्यांना पुढील वर्षी काही मित्रांसाठी शेवटचा मेसेज पाहण्यासाठी लास्ट सीन पर्याय सुरू करू शकतो, असे वृत्त प्रसिद्ध झाले आहे. फेसबुक व्हॉट्सअॅपने पूर्वीच यूपीआय-एनेबल व्हॉट्सअॅप पेमेंट्स आधीच सादर केले आहे. परंतु हे फीचर अजूनही सर्वच वापरकर्त्यांसाठी खुले करण्यात आलेले नाही. हे फेसबुक पेमेंट फीचर व्हॉट्सअॅप यूजर्सनाही दिले जाऊ शकते.
