कोल्हापूर: कर्नाटक नवनिर्माण सेनेचे भीमाशंकर पाटील याच्या वादग्रस्त वक्तव्यानंतर बेळगावमधील मराठी भाषण आणि शिवसेना चांगलीच आक्रमक झाली आहे. त्यानंतर शिवसैनिकांनी भीमाशंकर यांची प्रकिकात्मक प्रेतयात्रा काढल्यानंतर संतप्त झालेल्या कन्नड संघटनांच्या कार्यकर्त्यांनी बेळगावातील दुकानांवर असलेले तोडून टाकले. परिणामी आज सकाळपासून मराष्ट्रातून एकही बस कर्नाटकात गेली नसून, कर्नाटकातूनही एकही बस राज्यात दाखल झालेली नाही. प्रवाशांना या आंदोलनाचा फटका बसू नये यासाठी दोन्ही बाजूंकडून बस सेवा स्थिगित ठेवण्यात आली आहे. महाराष्ट्र एकीकरण समितीतर्फे मराठी भाषिकांच्या हक्कासाठी संघर्ष सुरू असतानाच कर्नाटक नवनिर्माण सेनेच्या भीमाशंकर पाटील यांनी महाराष्ट्र एकीकरण समितीच्या नेत्यांना सीमेवर जावून गोळ्या घाला असे आक्षेपार्ह वक्तव्य केले. यानंतर मराठी भाषिक आणि शिवसेना आक्रमक झाली. संतप्त शिवसैनिकांनी भीमाशंकर पाटील याची प्रतिकात्मक अंत्ययात्रा काढत आंदोलन केलं. शिवसैनिकांनी महाराष्ट्र-कर्नाटक सीमेवर शनिवारी आंदोलन केल्याची बातमी समजताच येथील कन्नड संघटनांनी एकत्र येत महाराष्ट्राचे मुख्यमंत्री उद्धव ठाकरे यांच्या प्रतिकात्मक पुतळ्याचे दहन केले. यावेळी उद्धव ठाकरे यांच्या निषेधाच्या घोषणाही देण्यात आल्या. सर्किट हाऊस परिसरात हे आंदोलन करण्यात आले होते.बेळगावात राज्याचे मुख्यमंत्री उद्धव ठाकरे यांचा पुतळा जाळल्यानंतर त्याचे पडसाद राज्यातही उमटू लागले आहेत. कोल्हापुरात आयोजित आंदोलनात शिवसेनेचे कार्यकर्ते या कृत्याला प्रत्युत्तर देण्यासाठी कर्नाटक राज्याच्या मुख्यमंत्र्यांचा पुतळा जाळणार आहेत.
या घटनेचे सांगलीतही पडसाद उमटले असून सांगलीत कर्नाटक सरकारचा निषेध करण्यात येत आहे. सांगलीतील मिरज येथे कर्नाटकात जाणाऱ्या बसेस रोखून धरण्यात आल्या आहेत. त्याच प्रमाणे म्हैसाळ नाका येथे कर्नाटक सरकारचा निषेध करण्यात येत आहे. शिवाय शिवसेनेच्या कार्यकर्त्यांनी भीमाशंकर पाटील यांची प्रतिकात्मक प्रेतयात्रा काढण्याचा निर्णय घेतला आहे. दौऱ्यावर आलेले निजद नेते आणि माजी मंत्री बसवराज होरट्टी यांनीही उद्धव ठाकरे यांच्यावर टीका केली आहे. ठाकरे यांचा उल्लेख त्यांनी 'उपद्व्यापी ठाकरे' असा केला आहे.
