मुंबई : आठवडाभर किंमती स्थिर राहिल्यानंतर सलग दुसऱ्या दिवशी पेट्रोल आणि डिझेलमध्ये वाढ झाली आहे. शुक्रवारी पेट्रोलचा दर ८०.४० रूपये असून त्यात ६ पैशांची वाढ झाली आहे. डिझेल १५ पैशांनी महागले असून डिझेल दर प्रति लिटर ७०.५५ पर्यंत गेला आहे. आठवडाभरात पेट्रोल ११ पैशांनी आणि डिझेल २५ पैशांनी महागले आहे. इंडियन ऑईलच्या दर पत्रकानुसार शुक्रवारी मुंबईत पेट्रोल दरात ६ पैशांची वाढ झाली. पेट्रोलचा दर ८०.४० रूपये झाला आहे. डिझेलसाठी ७०.५५ रुपये आहे. दिल्लीत पेट्रोल दर ७४.७४ रुपये असून डिझेलसाठी ६७.२४ रुपये मोजावे लागत आहे. आठवडाभरात पेट्रोल ११ पैशांनी आणि डिझेल २५ पैशांनी महागले आहे. दिल्लीत स्थानिक कर कमी असल्याने इतर शहरांच्या तुलनेत पेट्रोल आणि डिझेलचे दर कमी आहेत. देशभरात जीएसटी वेगवेगळे असल्याने पेट्रोल आणि डिझेलचा दर राज्यनिहाय वेगळा आहे. ११ डिसेंबर रोजी दिल्लीत पेट्रोलचा दर ७५ रुपये होता. १९ डिसेंबरनंतर डिझेलमध्ये सातत्याने वाढ होत आहे. मागील आठवडाभरात डिझेल १.२० पैशांनी महागले आहे. जागतिक कमोडिटी बाजारातील खनिज तेलाच्या किंमतीनुसार तेल वितरक कंपन्या पेट्रोल आणि डिझेलच्या दरांचा दररोज आढावा घेतात. मल्टी कमोडिटी एक्सचेंजमध्ये क्रूड आॅइलचा भाव २० रुपयांनी वधारून ४३७६ रुपयांवर गेला आहे. जागतिक बाजारात क्रूड आॅइल प्रति बॅरल ६७.४४ डाॅलर आहे. असे आहेत प्रमुख शहरांमधील पेट्रोल आणि डिझेलचे दर पेट्रोल मुंबई ८०.४० दिल्ली ७४.७४ कोलकाता ७७.४० चेन्नई ७७.७० डिझेल मुंबई ७०.५५ दिल्ली ६७.२४ कोलकाता ६९.६६ चेन्नई ७१.०९
