'माझ्या मुलीच्या आत्म्याला शांती मिळाली असेल' - Times of Maharashtra

ठळक बातम्या

Friday, December 6, 2019

'माझ्या मुलीच्या आत्म्याला शांती मिळाली असेल'

https://ift.tt/2qmoU42
हैदराबाद: हैदराबाद बलात्कार प्रकरणातील ४ आरोपी पोलिसांच्या एन्काउंटरमध्ये ठार झाल्यानंतर सामूहिक बलात्काराची बळी ठरलेल्या महिला डॉक्टरच्या वडिलांनी समाधान व्यक्त केले आहे. माझ्या मुलीचा मृत्यू होऊन १० दिवसांचा काळ लोटला आहे. आता माझ्या मुलीच्या आत्म्याला शांती मिळेल, अशा शब्दात प्रतिक्रिया देत त्यांनी या एन्काउंटरबाबत तेलंगण सरकारचे अभिनंदन केले आहे. तर, हे आरोपी एन्काउंटरमध्ये ठार झाले हे ऐकून मला अतिशय आनंद झाल्याचे बलात्काराची बळी ठरलेल्या महिला डॉक्टरच्या बहिणीने म्हटले आहे. हे चार आरोपी अशा प्रकारे एन्काउंटरमध्ये ठार झाल्याने हे एक उदाहरण म्हणून कायम राहील. अतिशय रेकॉर्ड वेळेत आम्हाला न्याय मिळाला आहे, असे म्हणत या बहिणीने त्यांच्या कुटुंबाला कठीण काळात साथ देणाऱ्यांचे आभार मानले आहेत. 'यापेक्षा मोठा न्याय असूनच शकत नाही' चार आरोपींच्या एन्काउंटरनंतर दिल्लीतील सामूहिक बलात्काराची बळी ठरलेली निर्भया हिच्या आईने हैदराबाद पोलिसांना धन्यवाद दिले आहेत. यापेक्षा मोठा न्याय कोणताही असू शकत नाही, अशी प्रतिक्रिया त्यांनी व्यक्त केली आहे. आता लवकरात लवकर निर्भयाच्या दोषींना फाशीची शिक्षा मिळायला हवी असेही त्या म्हणाल्या. या दोषींना शिक्षा मिळण्यात होत असलेल्या विलंबामुळे कायद्याच्या व्यवस्थेवर प्रश्नचिन्ह निर्माण होत आहे, असेही त्या म्हणाल्या. एन्काउंटर प्रकरणावर महिला आयोगाच्या अध्यक्षा स्वाती मालीवाल यांनीही प्रतिक्रिया व्यक्त केली आहे. आपण अतिशय समाधानी असल्याचे त्या म्हणाल्या. महिलांविरोधात होणाऱ्या गुन्ह्यांच्या निषेधार्थ मालीवाल आमरण उपोषणाला बसल्या आहेत.