नवी दिल्लीः एक काळ असा होता जेव्हा छोट्या स्मार्टफोनचा ट्रेंड वाढत होता आणि कॉम्पेक्ट गॅजेट्सची बाजारात मागणी होती. मात्र आता मोठी स्क्रीन असलेल्या डिव्हाइसचा ट्रेंड आहे. मात्र, आता चायनीज कंपनीनं जगातील लाँच केला आहे. टेकक्रंचनं दिलेल्या एका अहवालानुसार हा जगातील सर्वात लहान लॅपटॉप असून चायनीज कंपनी 'मॅजिक बेन'नं या डिव्हाइसचं नाव 'मॅग१' असं ठेवलं आहे. डिव्हाइसची साइज ए५ पेपर शीटपेक्षाही कमी असून २०.७x१४.६x१.८ सें.मी आहे. तर, डिव्हाइसचं वजन फक्त ७०० ग्रॅम आहे. तसंच अॅपल मॅकबुकच्या तुलनेने जास्त पोर्ट्स दिले आहेत. लॅपटॉपमध्ये तीन फुल साइज यूएसबी ३.० पोर्ट, टाइप-सी कनेक्टर, मायक्रोएसडी कार्ड रीडर, एक ऑडिओ सॉकेट आणि एक मायक्रो एचडीएमआय पोर्ट देण्यात आलं आहे. किंमत 'मॅजिक बेन मॅग१' अल्ट्रा पोर्टेबल गीअरबेस्टवर ७९० डॉलर म्हणजे भारतीय रुपयांनुसार जवळपास ५६ हजार इतकी आहे. या डिव्हाइसमध्ये हाय-एंड इंटेल कोर एम-३ ८१००y सीपीयू, १६ जीबी रॅम आणि ५१२ जीबी इंटरनल स्टोरेज देण्यात आलं आहे. या लॅपटॉपमध्ये टचस्क्रीन डिस्प्ले देण्यात आला आहे. ज्याचा अॅस्पेक्ट रेशो १६:१० असून रेजॉलूशन २५६०x१६०० पिक्सल्स आहे. पॉवरबँकनं करु शकता चार्ज लॅपटॉप लहान असला तरी त्यामध्ये ३०एएचआर इतकी बॅटरीची क्षमता देण्यात आली आहे. तसंच एकदा चार्ज केल्यानंतर हा लॅपटॉप सात तासांपर्यंत बॅकअप देतात. तसंच या लॅपटॉपची एक खास गोष्ट म्हणजे लॅपटॉपला सी-टाइप कनेक्टरच्या मदतीने पॉवरबँकनं पण चार्ज करता येऊ शकतं. कंपनीनं लॅपटॉपला वेबकॅमचा पर्याय दिला नाहीये. मात्र, हा लॅपटॉपमध्ये जबरदस्त फिचर्स देण्यात आले आहेत.
