सागर (मध्य प्रदेश): आज पहाटेपासून आतापर्यंत दिवसभरातील देशात झालेल्या ट्रक अपघाताची तिसरे वृत्त येत आहे. काही वेळापूर्वी मध्य प्रदेशातील सागर येथे हा अपघात झाला. मध्य प्रदेशातील सागर येथील दलबतपूर येथे मजुरांना घेऊन जाणारा ट्रक उलटल्याने हा अपघात झाला. या अपघातात ६ मजुरांचा मृत्यू झाला आहे, तर २० मजूर जखमी झाले आहेत. प्रशासकीय अधिकारी घटनास्थळी दाखल झाले असून बचाव आणि मदतकार्य सुरू करण्यात आले आहे. हे सर्व मजूर महाराष्ट्रातून बस्तीकडे जात होते. बचाव कार्य सुरू या अपघाताबाबत हाती आलेल्या वृत्तानुसार सागरहून छतरपूरकडे जाणारा हा ट्रक उलटल्याने हा अपघात झाला. या अपघातात ५ जणांचा मृत्यू, तर २० जण जखमी झाल्याचे सांगण्यात येत आहे. जखमींना स्थानिक रुग्णालयात दाखल करण्यात आले आहे. घटनेची माहिती मिळताच सागर आणि छतरपूर जिल्ह्यातील दोन्ही पोलिसांचे पोलिस दल घटनास्थळी दाखल झाले आहे. त्यांनी बचावकार्य सुरू केले आहे. दिवसातील तिसरा ट्रक अपघात दिवसातील हा तिसरा ट्रक अपघात आहे. यूपीच्या औरैया येथे आज पहाटे भीषण ट्रक अपघात झाला. आज पहाटे ३.३० च्या सुमाराला रस्त्याच्या कडेला उभ्या केलेल्या केलेल्या मजुरांनी भरलेल्या एका ट्रकला दुसर्या ट्रकला जोरदार धडक दिली. या दुर्घटनेत २४ मजुरांचा मृत्यू झाला. यात २० मजूर जखमी झाले. ट्रक अपघाताची दुसरी घटना महाराष्ट्र-तेलंगण सीमेवर राष्ट्रीय महामार्ग ४४ वर घडली. येथे सुमारे ७० मजुरांचा घेऊन जाणारा ट्रक उलटला. या घटनेत २० कामगार गंभीर जखमी झाले आहेत.
