औरंगाबाद: औरंगाबादमध्ये गेल्या चोवीस तासांत ९१ करोनाबाधित आढळले आहेत. गेल्या काही दिवसांपासून औरंगाबादमध्ये दररोज सरासरी ७० ते ८० करोनाबाधित रुग्ण सापडू लागले आहेत. प्रकोपाच्या सुरुवातीला मुंबईतल्या धारावीतही दररोज एवढेच रुग्ण सापडत होते. त्यामुळे औरंगाबादमधील ही वाढती संख्या आरोग्य यंत्रणेसाठी डोकेदुखी ठरत आहे. जिल्ह्यात आज सकाळी आणखी ९१ करोनाबाधित आढळून आल्याने जिल्ह्यातील करोनाबाधितांची संख्या ३२०७ झाली आहे, तर आतापर्यंत १७० बाधितांनी उपचारादरम्यान आपले प्राण गमावले आहेत. पैकी १७५३ करोनाबाधित रुग्ण बरे होऊन घरी गेले आहेत व सध्या १२८४ बाधितांवर सुरू उपचार आहेत. जिल्ह्यात नव्याने आढळलेल्या ९१ बाधितांमध्ये राजन नगर येथील १, बायजीपुरा १, रहीम नगर १, युनुस कॉलनी १, हनुमान चौक, चिकलठाणा १, राम नगर १, बजाज नगर २, रशिदपुरा १, नारळीबाग २, क्रांती नगर १, अंबिका नगर १, पुंडलिक नगर ३, नागेश्वरवाडी २, नक्षत्रवाडी १, हर्सूल २, एन-नऊ, सिडको २, एन-११, सिडको २, मिलकॉर्नर १, एन-पाच, सिडको १, एन-आठ, सिडको १, शिवाजीनगर १, जाधववाडी २, शंभू नगर ४, चिकलठाणा ५, रामकृष्ण नगर २, ईटखेडा २, विश्वभारती कॉलनी २, बीड बायपास १, न्यू हनुमान नगर २, जयहिंदनगर, पिसादेवी १, भानुदास नगर १, श्रीविहार कॉलनी, बीड बायपास ३, जाधववाडी १, पळशी १, आरिश कॉलनी १, गौतम नगर, प्रगती कॉलनी १, द्वारकानगर, हडको १, समता नगर १, शिवाजी नगर २, लहू नगर २, राम नगर १, ब्रिजवाडी १, शहानूरवाडी ४, मुजीब कॉलनी ५, रामेश्वर नगर २, न्यू विशाल नगर १, मयूर नगर १, बुढीलेन १, सह्याद्री हाऊसिंग सोसायटी १, सिडको महानगर १, लोकमान्य चौक, बजाज नगर २, सुयोग हाऊसिंग सोसायटी, बजाज नगर ४, साऊथ सिटी, सिडको महानगर १, शिवशंभो हाऊसिंग सोसायटी, बजाज नगर १, शिवालय चौक, बजाज नगर १, सारा गौरव, बजाज नगर १ या भागातील ३५ महिला व ५६ पुरुषांचा समावेश आहे. वाचा: दरम्यान, काल औरंगाबादमध्ये सहा करोनाबाधित रुग्णांचा मृत्यू झाला होता. त्यापैकी एक परळी (जि. बीड), तर दुसरा रायगड जिल्ह्यातील कळंबोली येथील होता. आंबेडकरनगर (सिडको) येथील ३३ वर्षीय महिलेला ११ जून रोजी दाखल केले होते, ही महिला आणि २८ मे रोजी दाखल केलेली समतानगर येथील ५५ वर्षीय महिला बुधवारी मध्यरात्री मरण पावली. कैसर कॉलनी येथील ५९ वर्षीय पुरुषाला १७ जून रोजी मध्यरात्री दाखल केले होते, तो पहाटे मरण पावला. ४ जून रोजी दाखल केलेली परळी येथील ५७ वर्षीय महिला व रायगड जिल्ह्यातील ५६ वर्षीय पुरुष गुरुवारी पहाटे मरण पावले. हे मृत्यू घाटी रुग्णालयात झाले. गणेश कॉलनी येथील ८१ वर्षीय महिलेचा १७ जून रोजी खासगी रुग्णालयात मृत्यू झाला. दरम्यान, मुंबईतील धारावीतील करोना रुग्णांची संख्या गेल्या २० दिवसांपासून नियंत्रणात असली तरी सुरुवातीला धारावीतही दिवसाला ७० ते ८० करोना रुग्ण सापडत होते. धारावीतील मृतांची संख्याही अधिक होती. मात्र, आरोग्य यंत्रणेने केलेल्या प्रभावी उपाययोजनांमुळे धारावीतील करोना रुग्णांच्या संख्येला आळा घालण्यात यश आले आहे. औरंगाबादमध्येही सध्या तिच परिस्थिती असल्याने या ठिकाणी प्रभावी उपाययोजना करण्याची अपेक्षा व्यक्त केली जात आहे.
