सिडनी: करोना व्हायरसमुळे आर्थिक अडचणींना समोरे जावे लागणाऱ्या क्रिकेट ऑस्ट्रेलियाने मुख्य कार्यकारी अधिकारी यांना पदावरून हटवण्यात निर्णय घेतला आहे. सिडनी मार्निंग हेराल्डने दिलेल्या वृत्तानुसार रॉबर्ट्स यांना पदावरून दूर करण्याबाबतची घोषणा या आठवड्यात केली जाईल. रॉबर्ट्स यांच्या सोबतचा करार २०२१च्या अखेरपर्यंत होता. पण त्याआधीच त्यांना दूर केले जाणार आहे. रॉबर्ट्स यांनी २० महिन्यांपूर्वी जेम्स सदरलँड यांची जागा घेतली होती. वाचा- चेंडूशी छेडछाड प्रकरण सुरू असताना सीईओ रॉबर्ट्स यांनी पदभार स्विकारला होता. क्रिकेट ऑस्ट्रेलिया वादत अडकली असताना त्यांनी जबाबदारी घेतली होती. सध्या करोना व्हायरसमुळे क्रिकेट ऑस्ट्रेलियाला मोठा आर्थिक फटका बसला आहे. बोर्डाने २०० हून अधिक कर्मचाऱ्यांना जून अखेरपर्यंत २० टक्के पगार दिला होता. या वर्षाच्या अखेरीस भारतीय संघाने ऑस्ट्रेलियाचा दौरा केला नाही तर नुकसान भरपाईसाठी बोर्डाने पाच कोटी डॉलर इतक कर्ज घेतले आहे. येत्या ऑक्टोबर-नोव्हेंबर टी-२० मध्ये ऑस्ट्रेलियात टी-२० वर्ल्ड कप होणार आहे. पण आयसीसीने यासंदर्भात अद्याप अंतिम निर्णय घेतला नाही. वाचा- क्रिकेट ऑस्ट्रेलियाने निकी हॉकले यांना अंतरिम सीईओची जबाबदारी दिली आहे. ऑस्ट्रेलियाच्या क्रीडा क्षेत्रात पदावरून दूर करण्यात आलेले रॉबर्ट्स हे पहिले सीईओ नाही. याआधी टोड ग्रीनबर्ग (एनआरएल) आणि राएलीन कॅसल (रग्बी ऑस्ट्रेलिया) सीईओंना करोना संकटाच्या काळात पदावरून दूर करण्यात आले होते. ग्रीनबर्ग आणि कॅसल यांना दोन महिन्यापूर्वी पदावरून हटवण्यात आले होते. क्रिकेट ऑस्ट्रेलियावर आलेले आर्थिक संकट दूर करण्यासाठी रॉबर्ट्स यांना यश आले नाही. रॉबर्ट्स यांना जेम्स सदरलँड यांच्या १७ वर्षाच्या कार्यकाळानंतर ऑक्टोबर २०१८ साली सीईओ करण्यात आले होते.
