मुंबई : कमॉडिटी बाजारात उच्चांकी स्तर गाठणाऱ्या सोन्यामध्ये नफेखोरांनी नफावसुली केल्याने शुक्रवारी सोने ०.०३ टक्क्यांनी स्वस्त झाले. त्याचे पडसाद आज सराफा बाजारात उमटले. आज शनिवारी प्रमुख शहरात सोने सरासरी २०० रुपयांनी स्वस्त झाले आहे. आजचा सोन्याचा भाव १० ग्रॅमला ४८९०० रुपये आहे. शुक्रवारी तो ४९१०० रुपये होता. goodreturns.in या वेबसाईटनुसार आज शनिवारी मुंबईत २२ कॅरेट सोन्याचा भाव ४८०१० रुपये आहे. २४ कॅरेटचा भाव ४९०१० रुपये झाला आहे. दिल्लीत २२ कॅरेट सोनं ४७७१० रुपये आणि २४ कॅरेटचा भाव ४८९१० रुपये आहे. कोलकात्यात २२ कॅरेटचा भाव ४८०९० रुपये आणि २४ कॅरेटचा भाव ४९६७० रुपये आहे. चेन्नईत २२ कॅरेट सोन्याचा भाव ४६९३० रुपये आहे. २४ कॅरेटचा भाव ५१२१० रुपये झाला आहे. किलोला ५१९६० रुपये झाला आहे. वाचा : करोना विषाणूचा प्रादुर्भाव जगभर वाढत आहे. हा प्रादुर्भाव कमी न झाल्यास औद्योगिक उत्पादन अजून काही महिने बंद राहील. ते पुन्हा सुरू झाल्यावर त्याला मागणी येण्यास काही वेळ जावा लागणार आहे. लोकांच्या मनात अर्थविषयक बाबींबाबत साशंकता निर्माण होऊ लागली आहे. अमेरिकेत काल करोनाबंधिंतांची संख्या विक्रमी स्तरावर गेली आहे. त्यामुळे गुंतवणूकदारांमध्ये भीतीचे वातावरण आहे. सोन्याएवढी गुंतवणूक शाश्वतता कशातच नाही, हे वारंवार सिद्ध होत आहे. मागील वर्षभरात शेअर बाजार वीस ते पंचवीस टक्क्यांपर्यंत खाली आलेले असतानाही सोने वीस ते पंचवीस टक्क्यांनी वाढले आहे.स्थानिक कमॉडिटी बाजारात शुक्रवारी सोन्याचा भाव ०.०३ टक्क्यांनी घसरून ४८८६३ रुपये प्रती १० ग्रॅम झाला. चांदीचा भाव किलोला ५१३६२ रुपये झाला. काल सोन्याच्या दरात ४७ रुपयांची वाढ झाली होती आणि सोन्याचा भाव प्रती १० ग्रॅम ४८९२५ रुपये झाला होता. जागतिक कमॉडिटी बाजाराचा विचार केला तर सोन्याचा भाव प्रती औंस १८०८.६० डॉलर झाला आहे त्यात ०.२७ टक्क्यांची वाढ झाली. करोनाचा फैलाव रोखण्यासाठी देशात गेले तीन महिन्यांहून अधिककाळ सुरु असलेल्या लॉकडाउनचा सराफा व्यवसायाला मोठा फटका बसला आहे.चालू आर्थिक वर्षातील एप्रिल आणि मे महिन्यात ७९.१४ दशलक्ष डॉलर्सची आयात करण्यात आली. तर गेल्या आर्थिक वर्षात याच दोन महिन्यात ८.७५ अब्ज डॉलर्सचे सोने आयात करण्यात आले होते. सोने आयात निम्म्याहून जास्त घटल्याने सरकारी तिजोरीवरील ताण मात्र कमी झाला आहे.
