कानपूर: कानपूरमधील बिकरू गावात झालेल्या पोलिसांवरील हल्ला प्रकरणातील आरोपी कुख्यात गुंड फरार आहे. त्याचवेळी पोलीस चौकशीत धक्कादायक माहिती उघड झाली आहे. गुंडांनी केलेल्या गोळीबारात शहीद झालेल्या आठही पोलिसांचे मृतदेह जाळण्याचा त्याचा प्लान होता. विकास दुबेची गावात प्रचंड दहशत होती. त्यामुळे या क्रूर कृत्यासाठी घाबरलेले काही ग्रामस्थ विकास दुबेला मदत करणार होते, अशी माहिती समजते. पोलिसांच्या हत्या केल्याची माहिती मिळताच, अन्य पोलीस कर्मचारी घटनास्थळी पोहोचले. पोलिसांचे मृतदेह एकावर एक ठेवण्यात आल्याचे दिसून आले. सर्व मृतदेह जाळण्यासाठी घराजवळ असलेल्या ट्रॅक्टरमधून डिझेल काढण्यात येत होता. त्याचवेळी पोलिसांचे पथक त्या ठिकाणी पोहोचले. त्यांना पाहून गुंडांनी तेथून पळ काढला. गावात विकास दुबेची प्रचंड दहशत आहे. त्यामुळे त्याच्याविरोधात आवाज उठवण्याची हिंमत कुणीही केली नाही. गावातील प्रत्येक नागरिकाकडे विचारणा केली जात होती. मात्र, कुणीही काही बोलण्यास तयार नव्हते. सरकारी अधिकारी शनिवारी तब्बल सहा तास गावात होते. विकास दुबेचं घर जेसीबीच्या साह्याने पाडण्यात येत होते. मात्र, कारवाई सुरू असताना एकही गावकरी पाहण्यासाठी बाहेर पडला नाही. यावरून विकासची दहशत किती आहे हे लक्षात येते. त्यामुळेच इतके मोठे हत्याकांड घडूनही कुणीही साक्ष देण्यासाठी पुढे येऊ शकलेला नाही. दरम्यान, विकास दुबेचा शोध घेण्यात येत आहे. त्याच्या शोधासाठी पोलिसांची २० पथके ठिकठिकाणी छापेमारी करत आहेत. या सर्व परिसरात विकास दुबेचे नातेवाइक राहत आहेत. पोलिसांनी आतापर्यंत चौकशीसाठी १२ जणांना ताब्यात घेतले आहे. विकास दुबे नेपाळला पळून जाण्याची शक्यता अधिक आहे. त्यामुळे पोलीस सतर्क आहेत. वाचा : वाचा : अनेकांना घेतले ताब्यात मोबाइल कॉल डिटेल्सच्या आधारे पोलिसांनी अनेकांना ताब्यात घेतले आहे. त्यांच्याकडे चौकशी करण्यात येत आहे. हे सर्व जण गेल्या २४ तासांत विकास दुबेच्या संपर्कात होते. विकासशी फोनवरून संपर्कात असलेले काही पोलीसही आहेत. त्यामुळे पोलिसांचे पथक विकास दुबेला पकडण्यासाठी निघाले त्यावेळी कुणीतरी फोनवरून आधीच त्याला माहिती दिल्याची शक्यता व्यक्त केली जात आहे. वाचा : वाचा : विकास दुबेचा साथीदार अटकेत कानपूरच्या बिकरू गावात झालेल्या पोलिसांवरील हल्ल्यातील एका आरोपीला अटक करण्यात आली आहे. मुख्य आरोपी विकास दुबे याचा हा साथीदार आहे. कानपूर पोलिसांनी चकमकीनंतर दयाशंकर अग्निहोत्री या आरोपीला अटक केली आहे. या चकमकीत अग्निहोत्री जखमीही झाला आहे.
