मुंबई- मराठी आणि बॉलिवूड सिनेदिग्दर्शक याची प्रकृती गेल्या काही दिवसांपासून खालावली आहे. उपचारासाठी त्याला हैदराबाद येथील इस्पितळात दाखल करण्यात आलं आहे. बुधवारी, इस्पितळाच्या प्रशासनाने निशिकांत कामतच्या प्रकृतीसंदर्भात अधिकृत स्टेटमेन्ट दिलं. दिग्दर्शकाची प्रकृती गंभीर असली तरी स्थिर आहे. चिंता करण्याचं कारण नाही. तसेच करोनामुळे इस्पितळात दाखल झालेले गायक यांची प्रकृतीही स्थिर आहे. इस्पितळाचं स्टेटमेन्ट 'निशिकांत कामत (५०) यांना जुलै महिन्यात कावीळ आणि पोट दुखीच्या त्रासामुळे हैदराबाद येथील गचीबोवली स्थित एआयजी इस्पितळात भरती करण्यात आलं. यावेळी त्यांना क्रॉनिक लिव्हर डिजीज आणि अन्य आजारांचं संक्रमण झाल्याचं कळलं. सध्या ते आयसीयूमध्ये आहेत आणि उत्तम डॉक्टरांची टीम त्यांची काळजी घेत आहे. या टीममध्ये गॅस्ट्रोएन्टेरोलॉजिस्ट, हॅपेटोलॉजिस्ट आणि वरिष्ठ सल्लागारांची टीम यात आहे. त्याची प्रकृती गंभीर असली तरी स्थिर आहे. ते लवकर बरे होतील अशी आम्ही आशा व्यक्त करतो.' अनेक सिनेमांचं केलं दिग्दर्शन निशिकांत कामत हे बॉलिवूडमधल्या नावाजलेल्या दिग्दर्शकांपैकी एक नाव आहे. यात अजय देवगणचा 'दृश्यम', इफान खानचा 'मदारी', जॉन अब्राहमचा 'फोर्स' आणि 'रॉकी हँडसम' या सिनेमांचा समावेश आहे. बॉलिवूडआधी त्याने अनेर मराठी सिनेमांचंही दिग्दर्शन केलं होतं. या मराठी सिनेमाचं दिग्दर्शन त्याने केलं होतं. याशिवाय त्याने अभिनयातही आपलं नशिब आजमावलं होतं. भावेश जोशी सिनेमात त्याने काम केलं होतं. त्यासोबतच रॉकी हँडसम सिनेमात त्याने नकारात्मक भूमिका साकारली होती. एसपी बालसुब्रमण्यम यांची प्रकृती स्थिर गेल्या आठवड्यात प्रसिद्ध गायक एसपी बालसुब्रमण्यम यांनाही करोनाची लागण झाली होती. त्यांच्यात करोनाचे सुरुवातीचे लक्षण दिसत होते. आता त्यांची प्रकृती स्थिर असून ऑक्सिजनची पातळीही सुधारली आहे.
