कीव: युक्रेनच्या हवाई दलाच्या विमानाचा शुक्रवारी अपघात झाला. या अपघातात २२ जण ठार झाले आहेत. अपघातग्रस्त विमान हे युक्रेनच्या हवाई दलाचे होते. अपघात दोन जण जखमी झाले असून त्यांची प्रकृती गंभीर आहे. तर, दोन जण बेपत्ता असल्याची माहिती युक्रेन सरकारने दिली आहे. युक्रेनच्या खारकीव भागात हा अपघात झाला. युक्रेनच्या उपगृहमंत्री अँटोन गेराशेंको यांनी सांगितले की, या अपघातग्रस्त विमानात २८ जण होते. यातील २१ जण हे लष्करात दाखल होणारे विद्यार्थी होते. तर, सात जण हे विमानाचे क्रू सदस्य होते. अपघाताचे नेमके कारण समोर आले नसल्याचे त्यांनी सांगितले. हा मोठा धक्का असल्याचे त्यांनी सांगितले. वाचा: वाचा: या अपघाताच्या चौकशीसाठी एक समिती नेमण्याची घोषणा युक्रेनचे राष्ट्रपती व्लादिमीर जेलेंस्की यांनी केली. अपघात झालेल्या ठिकाणीही ते भेट देणार आहेत. अँटीनोव-२६ विमान हे लष्करी वाहतूक करण्यासाठी वापरण्यात येत होते. हा अपघात स्थानिक वेळ रात्री ८ वाजून ५० मिनिटांनी झाला. चुहीन लष्करी विमानतळापासून दोन किलोमीटर अंतरावर विमानाचा अपघात झाला. विमान कोसळल्यानंतर त्याला आग लागली असल्याचे समजते. विमानाला लागलेल्या आगीवर नियंत्रण मिळवण्यासाठी जवळपास एक तासाचा अवधी लागला.
