नवी दिल्ली : (EMI Moratorium) आणि त्यावर बँकांनी आकारलेले चक्रवाढ व्याज (Compounding Interest) यावर अद्याप कोणताही तोडग निघालेला नाही. या प्रकरणावर आज सुप्रीम कोर्टात पुन्हा एकदा सुनावणी होणार आहे. कालावधीतील दोन कोटींपर्यंतच्या कर्जांवरील चक्रवाढ व्याज माफ करण्याची तयारी केंद्र सरकारकडून दर्शवण्यात आली आहे. मात्र कर्ज हप्ते वसुलीला स्थगितीची सुविधा आणखी सुरु ठेवायची की नाही, कर्ज पुनर्र्चना तसेच व्याजमाफीने होणारे बँकांचे नुकसान यासारख्या कळीच्या मुद्दयांवर आज सुप्रीम कोर्टात चर्चा होण्याची शक्यता आहे. थकीत हप्त्यांवर व्याज वसूल करावे का, याबाबत अद्याप कोणताही तोडगा निघालेला नाही. हा पेच किचकट असल्याने तूर्त मुदत वाढ करण्याबाबत प्रस्ताव स्वीकारावा, अशी विनंती केंद्र सरकारने न्यायालयाला गेल्या आठवड्यात झालेल्या सुनावणी दरम्यान केली होती. त्यानुसार खंडपीठाने सोमवारी ५ ऑक्टोबरपर्यंत सुनावणी पुढे ढकलली होती. दरम्यान, केंद्र सरकारने २ कोटीपर्यंत कर्ज घेतलेल्या कर्जदारांचे व्याजावरील व्याज माफ करण्याची तयारी दर्शवली आहे. ईएमआय मोरॅटोरियममध्ये मार्च ते ऑगस्ट या कालावधी कर्ज थकलेल्या कर्जांवर बँकांनी चक्रवाढ व्याज आकारले आहे. मात्र हे व्याजावरील व्याज माफ करण्याचा निर्णय केंद्राकडून घेतला जाण्याची शक्यता आहे. अशा प्रकारचे सत्य प्रतीज्ञापत्र केंद्र सरकारने सुप्रीम कोर्टात सादर केले आहे. या व्याजाच्या रकमेचा भार केंद्र सरकार उचलेल, अशी शिफारस मेहर्षी समितीने सरकारला केली आहे. दरम्यान, बँकांवर बुडीत कर्जांचे संकट घोंगावत आहे. मात्र सुप्रीम कोर्टाने पुढील निर्देश देईपर्यंत थकीत कर्ज खाती बुडीत खात्यात वर्ग करू नये, असे आदेश दिले आहेत. ...तर कर्जदारांचे टेन्शन कमी होणार या निर्णयामुळे शैक्षणिक कर्ज, गृह कर्ज आणि क्रेडीट कार्डची थकबाकी असलेल्या लाखो आहे. व्याजावरील व्याज माफ करण्याबाबत सरकारने लघु आणि मध्यम उद्योजकांचे कर्ज, २ कोटींपर्यंत वैयक्तिक कर्ज, शैक्षणिक कर्ज, गृहकर्ज, वाहन कर्ज, कंझुमर ड्युरेबल्स लोन यासारख्या सर्वच कर्जांना चक्रवाढ व्याज माफ करण्याची भूमिका घेतली आहे. एका अहवालानुसार ईएमआय मोरॅटोरियमचा मार्च ते ऑगस्ट या कालावधीत व्याजाची रक्कम ५००० ते ६००० कोटींच्या आसपास असेल असा अंदाज आहे. काहींच्या मते हा आकडा १०००० कोटी ते १५००० कोटीच्या दरम्यान असण्याची शक्यता आहे. कर्जदारांना दिलासा देत सरकार हा भार स्वतः उचलणार आहे.
