मुंबई : पेट्रोलियम कंपन्यांनी सलग तिसऱ्या दिवशी पेट्रोल आणि डिझेल दरात कोणताही बदल केला नाही. आज गुरुवारी देशात पेट्रोल आणि डिझेल दर स्थिर आहेत. आज मुंबईत पेट्रोलचा भाव एक लिटरसाठी ९०.३४ रुपये आहे. डिझेलचा भाव ८०.५१ रुपये आहे. दिल्लीत पेट्रोलने ८३ रुपयांचा टप्पा ओलांडला आहे. दिल्लीत पेट्रोलचा भाव ८३.७१ रुपये झाला आहे. डिझेलचा भाव ७३.८७ रुपये आहे. त्याशिवाय चेन्नईत देखील आज पेट्रोल आणि डिझेलमध्ये वाढ झाली आहे. पेट्रोलचा भाव ८६.५१ रुपये झाला असून डिझेल ७७.४४ रुपये झाले आहे. कोलकात्यात एक लिटर पेट्रोलचा भाव ८५.१९ रुपये असून डिझेल ७७.४४ रुपये आहे. दरम्यान, जागतिक बाजारात तेलाचा पुरवठा वाढल्याने किमतीत घसरण झाली आहे. ब्रेंट क्रूडचा भाव ४९.३८ डॉलर झाला आहे. तर वेस्ट टेक्ससमध्ये कच्चे तेल ४६.०५ डॉलर प्रती बॅरल आहे. मागील आठवड्यात, ओपेक आणि रशियाने जानेवारीपासून दररोज ५००,००० बॅरल्सचे उत्पन्न घेण्याचा करार केला. त्यामुळे तेलाच्या दरात वाढ झाली. ओपेक आणि रशिया हा ग्रुप ओपेक+ म्हणून ओळखला जात असून, या समूहाने सध्याच्या ७.७ दशलक्ष बॅरल प्रतिदिन या पातळीवरून ७.२ दशलक्ष बॅरल प्रतिदिनपर्यंत उत्पादन कपात करण्याचा निर्णय घेतला आहे. अमेरिकी क्रूडसाठाही -०.७ दशलक्ष झाला. तो -१.७ दशलक्ष एवढा होता. मागील पातळी -०.८ दशलक्ष एवढी होती. जागतिक बाजारात कच्च्या तेलाच्या किमती ५० डॉलरच्या नजीक पोहोचल्याने मागील सहा दिवस पेट्रोलियम कंपन्यांनी इंधन दरवाढीचा सपाटा लावला होता. यामुळे देशातील काही शहरात पेट्रोल ९० वर गेले.
