मुंबई: महाराष्ट्राच्या पहिल्या महिला मुख्यमंत्री म्हणून आपण यांच्याकडं पाहता का, या प्रश्नाचं उत्तर राष्ट्रवादी काँग्रेसचे अध्यक्ष यांनी अखेर दिलं आहे. त्यांच्या या उत्तरामुळं गेल्या काही दिवसांपासून निर्माण झालेला संभ्रम दूर होण्याची शक्यता आहे. 'महाराष्ट्र टाइम्स'चे ज्येष्ठ पत्रकार विजय चोरमारे यांनी संपादित केलेल्या 'कर्तृत्ववान मराठा स्त्रिया' या पुस्तकाच्या प्रकाशनाच्या वेळी भाजपचे नेते आशिष शेलार यांनी केलेल्या एका वक्तव्यामुळं नव्या चर्चेला तोंड फुटलं होतं. 'एखादी कर्तृत्वान मराठा स्त्री राज्याची मुख्यमंत्री व्हावी, असं अनेकांच्या मनात आहे,' अशी अपेक्षा शेलार यांनी पवारांकडे व्यक्त केली होती. त्यांच्या या वक्तव्यामुळं आपोआपच सुप्रिया सुळे यांचं नाव चर्चेत आलं होतं. वाचा: त्यातच, 'शरद पवारांना संधी मिळाल्यास ते पुतणे अजित पवार यांच्या ऐवजी ते सुप्रिया सुळे यांनाच मुख्यमंत्री करतील, असं वक्तव्य चंद्रकांत पाटील यांनी केलं होतं. त्यामुळं संभ्रम अधिकच वाढला होता. शरद पवार यांनी 'लोकमत'ला दिलेल्या एका विशेष मुलाखतीत यावर पडदा टाकला. वाचा: 'प्रत्येकाचा एक इंट्रेस्ट असतो. सुप्रिया सुळे यांना राज्याच्या राजकारणात रस नाही. तिचा इंट्रेस्ट राष्ट्रीय राजकारणात आहे. संसदेत आहे. उत्तम संसदपटू म्हणून तिला आजवर अनेक पुरस्कार मिळाले आहेत,' असं पवार म्हणाले. राष्ट्रवादी काँग्रेसमधील नव्या नेतृत्वाबाबतही त्यांनी आपलं मत मांडलं. 'राष्ट्रवादीमध्ये तरुण नेत्यांचा मोठा संच आहे. त्या सर्वांमध्ये मान्य होतील अशी अनेक नावे आहेत. त्यात अजित पवार, जयंत पाटील, धनंजय मुंडे असे अनेक लोक नेतृत्व करण्याच्या क्षमतेचे आहेत,' असं ते म्हणाले. वाचा: वाचा:
