किशोर पाटील, टीव्ही 9 मराठी, जळगाव : जळगाव जिल्ह्याता पोळा सणाला गालबोट लागले आहे. इथे एका बैलाचा दुसऱ्या बैलाला धक्का लागल्याच्या वादातून तरुणाचा खून करण्यात आला आहे.
पारोळा तालुक्यातील गजानन पळासखेडे बुद्रुक येथे ही घटना घडली आहे. मयूर बाळू उर्फ दुर्वास पाटील असे खून झालेल्या मयत 18वर्षीय तरुणाचं नाव आहे.
ही घटना घडल्यानंतर परिसरात एकच खळबळ उडाली आहे. याप्रकरणी पारोळा पोलीस ठाण्यात गुन्हा दाखल करण्यात आला असून पोलिसांनी पंचनामा केला आहे. पोलिसांनी पुढील तपास सुरू केला आहे.
ही घटना घडल्यानंतर आरोपींना अटक करून कारवाई करण्याच्या मागणीसाठी नातेवाईकांनी पारोळा शहरात पोलीस ठाण्यासमोर रस्त्यावर रास्ता रोको आंदोलन केले. या आंदोलनामुळे काही काळ तणावाची स्थिती निर्माण झाली होती.
एकमेकांच्या बैलांमध्ये धडक झाल्याने त्या कारणावरून तिघांनी वाद घालत चाकूने तरुणाचा खून केल्याची माहिती आहे. खून केल्यानंतर तिघेही आरोपी फरार झाले असून पोलीस त्यांचा शोध घेत आहेत.
