नवी दिल्ली: रशियाची राजधानी मॉस्कोमध्ये कोविड-१९ च्या लशीकरणाचा कार्यक्रम सुरू झाला असून भारताच्या नागरिकांसाठाही एक खूशखबर आहे. औषध निर्मिती कंपनी फायझरच्या भारतीय शाखेने आपल्या कोविड लशीच्या वापरासाठी औपचारिक मंजुरीसाठी भारतीय औषधी महानियंत्रकांकडे (DCGI) अर्ज केला आहे. ( applied to approve for emergency use in india) सूत्रांनी दिलेल्या माहितीनुसार, औषध नियामकाला केलेल्या अर्जात कंनपनीने देशात लस आयात करणे आणि वितरणाशी संबंधित मंजुरी देण्याविषयी अर्ज केला आहे. या व्यतिरिक्त औषध आणि क्लिनिकल परीक्षण नियम, २०१९ च्या विशेष तरतुदींअंतर्गत भारतातील लोकांवर क्लिनिकल परीक्षणाची सूट देण्याविषयी अर्ज केला आहे. सूत्रांनी माहिती देताना सांगितले की, 'फायझर इंडियाने कोविड-१९ लशीच्या आणीबाणीतील मंजुरीसाठी ४ डिसेंबरला डीजीसीआयच्याकडे अर्ज दाखल केला आहे. ब्रिटनने बुधवारी फायझरच्या कोविड-१९ लशीच्या आणीबाणीतील मंजुरीसाठी अस्थायी मंजुरी प्रदान केली होती. ब्रिटननंतर बरहीन हा शुक्रवारी फायझर आणि कंपनीच्या जर्मन सहकारी बायोएनटेकद्वारे विकसित कोविड-१९ लशीच्या आणीबाणीतील वापराला मंजुरी देणारा दुसरा देश ठरला आहे. या औषध कंपनीने यापूर्वीच अमेरिकेत अशाच मंजुरीसाठी अर्ज केलाला आहे. रशियाच्या मॉस्कोत करोनाचे लशीकरण सुरू रशियाची राजधानी मॉस्कोमध्ये शनिवारी कोविड-१९ च्या लशीकरण कार्यक्रमाला सुरुवात झाली. या बाबत मिळालेल्या माहितीनुसार, ही लस सर्वप्रथम सर्वाधिक करोनाचा धोका असलेल्या लोकांना दिली जाणार आहे. रशियाने आपल्याच देशात विकसित झालेल्या स्पूटनिक नावाच्या लसीचा उपायोग सुरू केला आहे. रशियात शनिवारी सुरू झालेल्या करोना विषाणूच्या लशीकरणासाठी सर्वाधिक धोका असलेल्या समूहात सहभाग देत असलेल्या चिकित्सक, शिक्षक आणि इतरांनी स्वाक्षरी केलेल्या आहेत. क्लिक करा आणि वाचा- राष्ट्राध्यक्ष व्लादिमीर पुतीन यांनी तीन दिवसांपूर्वी मोठ्या प्रमाणावर कोविड-१९ ची लशीकरण मोहीम सुरू करण्याचे आदेश दिले होते. यानंतर लशीकरणाला सुरुवात झाली. क्लिक करा आणि वाचा- क्लिक करा आणि वाचा-
