नवी दिल्ली: देशातील नामांकित मसाला कंपनी महाशय दी हट्टी अर्थात एमडीएचचे (MDH) प्रमुख पद्मभूषण (Mahashay Dharampal Gulati) यांचे वयाच्या ९८ व्या वर्षी निधन झाले. त्यांच्यावर माता चंदादेवी रुग्णालयात उपचार सुरू होते. गेल्याच वर्षी धर्मपाल गुलाटी यांना व्यापार आणि खाद्यप्रक्रिया क्षेत्रातील उत्तम योगदानाबद्दल राष्ट्रपती रामनाथ कोविंद यांच्या हस्ते पद्मभूषण देऊन गौरवण्यात आले. पद्मभूषण धर्मपाल गुलाटी यांच्या निधनाने आर्य समाजासह देशात शोक व्यक्त करण्यात येत आहे. ( king padma bhushan passes away) MDH मसावाले अशी ख्याती असलेल्या धर्मपाल गुलाटी यांचे हृदयविकाराने निधन झाले. आज पहाटे ५.३९ वाजता त्यांनी अखेरचा श्वास घेतला. आजारी असल्याने ते गेल्या अनेक दिवसांपासून रुग्णालयात उपचार घेत होते. धर्मपाल हे एक समाजसेवक देखील होते. त्यांनी अनेक शाळा आणि रुग्णालये देखील सुरू केली. करोना संसर्गाच्या काळात त्यांनी दिल्लीचे उपमुख्यमंत्री मनीष सिसोदिया यांना ७५०० पीपीई किट देखील उपलब्ध केले होते. महाशय धर्मपाल गुलाटी यांचा जन्म पाकिस्तानातील सियालकोट येथे २७ मार्च १९२३ ला झाला होता. ते केवळ पाचवी पर्यंत शिकले होते. त्यांचे अभ्यासात कधीही लागले नाही. त्यांचे वडील चु्न्नीलाल यांना वाटे की त्यांनी खूप शिकावे. फाळणीनंतर ते भारतात आले. भारतात अमृतसर येथे ते स्थायिक झाले. दिल्लीत त्यांनी सुरुवातीला टांगा चालवला. त्यानंतर त्यांनी अनेक कामे केली. मसाल्याचा व्यापार हा जुना असल्याने त्यांनी मसाल्याचे दुकान सुरू केले. ९ बाय १४ फुटाच्या दुकानात त्यांनी आपला व्यवसाय सुरू केला. महाशय धर्मपाल गुलाटी यांनी १९५९ मध्ये एमडीएच (MDH) कारखाना सुरू केला. देशभरात एमडीएचचे १५ कारखाने आहेत. यात दिल्ली-एनसीआरमध्येच ६-७ कारखाने आहेत. एमडीएच कारखाने सुमारे एक हजार डिलर्सना मसाला पुरवठा करतात. देशातच नव्हे तर परदेशातही त्यांचे नाव आहे. क्लिक करा आणि वाचा- या बरोबरच जगभरातील अनेक शहरांमध्ये एमडीएचच्या शाखा आहेत. महाशय धर्मपाल गुलाटी यांनी २०१९ मध्ये २१३ कोटी रुपयांची कमाई केली होती. ही कमाई देशातील प्रमुख उद्योगपतींच्या कमाईहून अधिक आहे. एमडीएच कंपनीची ८० टक्क्यांहून अधिक भागीदारी महाशय धर्मपाल गुलाटी यांच्याकडेच आहे. क्लिक करा आणि वाचा- क्लिक करा आणि वाचा-
