नवी दिल्ली : 'इफ्तिखास' नावाच्या एका आगामी सिनेमामुळे पुरस्कारानं सन्मानित करण्यात आलेल्या यांची बहादुरी पुन्हा एकदा चर्चेत आहे. मेजर मोहित शर्मा २००४ साली एका ऑपरेशन दरम्यान '' या दहशतवादी संघटनेत '' नावानं एन्ट्री मिळवली होती. त्याचमुळे मोहित शर्मा यांच्यावर तयार होणाऱ्या बायोपिकला 'इफ्तिखार' असं नाव देण्यात आलंय. मेजर मोहित शर्मा ११ डिसेंबर १९९९ रोजी इंडियन मिलिटरी अकॅडमीतून पासआऊट झाले होते. त्यांना पहिलं पोस्टिंग हैदराबादला मिळालं होतं. इथून ते काश्मीर ३८ राष्ट्रीय रायफल्समध्ये दाखल झाले. २००१ साली पॅरा स्पेशल फोर्सच्या सेवेत असताना एका विशेष ऑपरेशन अंतर्गत मोहित शर्मा यांनी आपली खरी ओळख लपवत एक दहशतवादी म्हणून दहशतवाद्यांशी मैत्री केली होती. भारतीय सुरक्षादलाकडून आपल्या भावाचा खात्मा करण्यात आल्यानं आपण दहशतवादी संघटनेत दाखल होऊ इच्छित असल्याचं त्यांनी दहशतवाद्यांना पटवून दिलं. आपलं नाव इफ्तिखार भट असल्याचं त्यांनी दहशतवाद्यांना सांगितलं. हिजबूल मुजाहिद्दीनच्या अबू तोरारा आणि अबू सबजार यांच्याशी मोहित यांनी जवळीक वाढवली आणि त्यांचा विश्वास संपादन केला. शोपियामध्ये ते या दहशतवाद्यांसोबतच राहत होते. संधी मिळताच मोहित शर्मा यांनी या दोन्ही दहशतवाद्यांचा खात्मा केला. २१ मार्च २००९ रोजी कुपवाडामध्ये एका ऑपरेशन दरम्यान 'ब्राव्हो असॉल्ट' टीमचं नेतृत्व करताना मेजर मोहित शर्मा शहीद झाले. २६ जानेवारी २०२० रोजी त्यांना देशाचा मरणोत्तर दिला जाणारा सर्वोच्च पुरस्कार 'अशोकचक्रा'नं सन्मानित करण्यात आलं होतं.
