म.टा. प्रतिनिधी, : बंदुकीच्या धाकावर कापड व्यापारी व त्याच्या मुलाचे करून सोन्याचे दागिने व रोख रकमेसह एक लाखाचा ऐवज लुटण्यात आला. ही खळबळजनक घटना शनिवारी उघडकीस आली. या प्रकरणी गणेशपेठ पोलिसांनी अपहरणासह विविध कलमान्वये गुन्हा दाखल करून अपहरणकर्त्यांचा शोध सुरू केला आहे. प्रवीण प्रभुदास बजाज (वय ४०, सिंधी कॉलनी, शंकर चौक, गोंदिया) असे या व्यापाऱ्याचे नाव आहे. पोलिसांनी दिलेल्या माहितीनुसार, बजाज यांचे येथे न्यू बजाज स्टोअर्स नावाचे कापडाचे दुकान आहे. कापड खरेदीसाठी २१ जानेवारीला बजाज व त्यांचा मुलगा आर्यन (वय १४) नागपुरात आले. त्यांनी कापड खरेदी केले. रात्री ९ वाजताच्या सुमारास बजाज व आर्यन बसस्थानक येथे गेले. तोपर्यंत गोंदियाला जाणारी बस तेथून गेली होती. याचदरम्यान एक युवक बसस्थानक परिसरात आला. 'गोंदियाची सवारी आहे का', अशी विचारणा केली. बजाज यांनी त्याला होकार दिला. युवक हा बजाज व आर्यनला घेऊन बसस्थानकाबाहेर आला. एमच-२७- डीए -०५०७ या क्रमांकाच्या कारमध्ये बसविले. कारमध्ये आधीच दोन युवक होते. तिघेही बजाज व आर्यनला घेऊन वर्धा मार्गाने निघाले. 'वर्धा मार्गाने कशाला जाता', अशी विचारणा बजाज यांनी युवकाला केली. 'या मार्गाने लवकर गोंदियाला पोहोचू', असे अपरहणकर्त्या युवकाने त्यांना सांगितले. वर्धा जिल्ह्यातील समुद्रपूरमधील हुळदगाव परिसरात कार थांबविली. बजाज व त्यांच्या मुलाला कारमधून बाहेर उतरविले. एका युवकाने बजाज यांच्या पोटाला बंदूक लावली व पैशांची मागणी केली. त्यानंतर अन्य एका युवकाने बजाज यांच्याकडील सोन्याचे कडे, सोनसाखळी, अंगठी, मोबाइल व रोख असा एकूण सुमारे एक लाखाचा ऐवज हिसकावला. दोघांना तेथेच सोडून अपरणकर्ते पसार झाले. बजाज हे मुख्य मार्गावर आले. एका व्यक्तीचा मोबाइल क्रमांकावरून त्यांनी नातेवाइकांशी संपर्क साधून घटनेची माहिती दिली. त्यानंतर ते गोंदियाला गेले. आरोपी अमरावतीचे? बजाज यांनी शनिवारी गणेशपेठ पोलिस स्टेशन गाठून तक्रार दिली. पोलिसांनी गुन्हा दाखल केला. अपहरणकर्ते अमरावतीचे असण्याची शक्यता आहे. कारच्या क्रमांकाच्या आधारे पोलिस अपहरणकर्त्यांचा शोध घेत आहेत.
