नवी दिल्ली : च्या पार्श्वभूमीवर एका भेटीची जोरदार चर्चा राजकीय वर्तुळात सुरू आहे. ही भेट आहे अभिनेते आणि राष्ट्रीय स्वयंसेवक संघाचे मोहन भागवत यांची... ही भेट मुंबईत झाल्याचं समजतंय. आरएसएस प्रमुख यांनी मंगळवारी सकाळी स्वत: मिथुन चक्रवर्ती यांच्या मुंबई स्थित घरी जाऊन त्यांची भेट घेतली. मंगळवारी पहाटेच ही भेट पार पडली. त्यानंतर राजकीय वर्तुळात अनेकांच्या तोंडी या भेटीचा विषय आहे. मिळालेल्या माहितीनुसार, याआधी मिथुन चक्रवर्ती यांनी नागपूरला जाऊन आरएसएस प्रमुख मोहन भागवत यांची भेट घेतली होती. या दरम्यान त्यांनी भागवतांना आपल्या घरी येण्याचं आमंत्रण दिलं होतं. बंगाल विधानसभा निवडणुकीच्या तोंडावर भाजप एखाद्या चेहऱ्याच्या प्रसिद्ध शोधात असतानाच आरएसएस प्रमुखांची ही भेट महत्त्वाची मानली जातेय. मिथुन चक्रवर्ती यांचं स्पष्टीकरण मिथुन चक्रवर्ती यांनी मात्र या सगळ्या चर्चा फेटाळून लावल्या आहेत. 'माझे मोहन भागवतांशी अध्यात्मिक संबंध आहेत. माझी आणि त्यांची भेट लखनऊमध्ये झाली होती. त्यानंतर मी त्यांना जेव्हाही मुंबईत याल तेव्हा आवर्जुन घरी येण्याचं आमंत्रण दिलं होतं. या भेटीचा कोणताही राजकीय संबंध नाही' असं मिथुन यांनी स्पष्टीकरण दिलंय. राजकीय अनुभव 'डिस्को डान्सर' म्हणून ओळखले जाणारे मिथुन चक्रवर्ती यांच्याकडे सामाजिक कार्यासहीत राजकीय कामाचादेखील अनुभव आहे. याआधी त्यांनी राज्यसभा खासदार म्हणूनही काम केलंय. उल्लेखनीय म्हणजे, तृणमूल काँग्रेसनं मिथुन चक्रवर्ती यांना राज्यसभेची संधी दिली होती. परंतु, दोनच वर्षांत शारद घोटाळा समोर आल्यानंतर मिथुन यांनी राज्यसभा सदस्यत्वाचा राजीनामा दिला होता.
