नवी दिल्ली : शेतकरी आंदोलनाच्या समर्थनार्थ केलेल्या ट्विटनंतर स्वीडनची रहिवासी असलेली १८ वर्षीय पर्यावरण कार्यकर्ती हिच्याविरुद्ध दिल्ली पोलिसांत गुन्हा दाखल करण्यात आलाय. यावरच ऑल इंडिया मजलिस-ए-इत्तेहादुल मुसलमीन (एआयएमआयएम) चे प्रमुख यांनी प्रशासनावर निशाणा साधलाय. ग्रेटाविरोधात दाखल केलेल्या एफआयआरनंतर यावर अनेकांकडून टीका करण्यात येत आहे. लोकसभा खासदार आणि एआयएमआयएम अध्यक्ष असदुद्दीन ओवैसी यांनीही दिल्ली पोलिसांवर हल्ला चढवलाय. 'दिल्लीच्या रस्त्यांवरील सगळे गुन्हे संपुष्टात आणल्यानंतर दिल्ली पोलिसांनी आता भारताची सर्वात मोठी शत्रू असलेल्या - विचार मांडणारी एक स्वीडिश किशोरवयीन मुलगी - मुलीशी लढण्याचं आव्हान स्वीकार केलं आहे. पुढची एफआयआर कुणावर होणार? जनावरांवर अत्याचार करण्याच्या आरोपाखाली सांताक्लॉजवर?' असा टोला दिल्ली पोलिसांना लगावतानाच ओवैसी यांनी 'दिल्लीतील दंगल पीडित अद्यापही न्यायाच्या प्रतिक्षेत आहेत' असंही म्हटलंय. एफआयआरमध्ये ग्रेटाच्या नावाचा उल्लेख नाही 'भारतातील शेतकऱ्यांच्या आंदोलनाला आम्ही समर्थन देत आहोत' (We stand in solidarity with the #FarmersProtest in India) असं ट्विट करणाऱ्या ग्रेटाविरुद्ध दिल्ली पोलिसांनी १५३ ए, १२० बी सहीत आणखीही काही कलमांखाली एफआयआर दाखल केलीय. उल्लेखनीय म्हणजे, या एफआयआरमध्ये ग्रेटाच्या नावाचा उल्लेख नाही. 'भारत सरकारविरोधी टूलकिट' शेअर करणाऱ्याविरोधात गुन्हा दाखल केल्याचं दिल्ली पोलिसांनी म्हटलंय. या टूलकिटद्वारे भारतातील वातावरण बिघडवण्याचा आणि भारताच्या प्रतिमा खराब करण्याचं षडयंत्र रचल्याचा, आरोप दिल्ली पोलिसांनी केलाय.
