चेन्नई : भारतीय निवडणूक आयोगानं जाहीर केलेल्या तारखांनुसार, तामिळनाडूमध्ये एकाच टप्प्यात मतदान पार पडणार आहे. राज्यात ६ एप्रिल रोजी मतदान होईल. तर २ मे रोजी या निवडणुकीचा निकाल जाहीर होईल. राज्यात एकूण ६ कोटी २८ लाख २३ हजार ७४९ मतदार उमेदवारांची निवड करणार आहेत. तामिळनाडू विधानसभेचा कार्यकाळ २४ मे २०२१ रोजी संपुष्टात येतोय. साठी २३४ मतदार संघांसाठी लढत होणार आहे. पूर्ण बहुमताद्वारे सत्तास्थापनेसाठी कोणत्याही पक्षाला कमीत कमी ११८ जागांची आवश्यकता आहे. तामिळनाडूमध्ये सध्या ऑल इंडिया अन्ना द्रविड मुन्नेत्र कळघम (AIADMK) पक्षाचं सरकार आहे तर ई पलानीसामी राज्याचे मुख्यमंत्री आहे. २०१६ साली विधानसभा निवडणुकीत एआयएडीएमके पक्षानं आपल्या सहकारी पक्षांसोबत मिळून निवडणुका लढल्या होत्या. एकूण जागा : २३४ मतदारसंघ मतदानाची तारीख : ६ एप्रिल निकालाची तारीख : २ मे मत सर्वेक्षणात तामिळनाडूमध्ये काँग्रेस - डीएमकेच्या आघाडीला बहुमत मिळताना दिसतंय. यूपीएला तामिळनाडूमध्ये १५८ जागा मिळण्याची शक्यता आहे. एनडीएला केवळ ६५ जागा मिळण्याची शक्यता या मत सर्वेक्षणात व्यक्त करण्यात आलीय. आगामी विधानसभा निवडणुकीसाठी तामिळनाडू राज्यात उमेदवारांना जास्तीत जास्त ३८ लाख रुपये खर्च करण्याची परवानगी देण्यात आलीय. नागरिक cVIGIL मोबाईल अॅपच्या माध्यमातून कोणत्याही प्रकारच्या भ्रष्टाचाराची तक्रार दाखल करू शकतात. निवडणूक प्रचारादरम्यान उमेदवारांना करोना नियमांचं पालन गरजेचं राहील. घरोघरी जाऊन प्रचार करण्यासाठी केवळ पाच जणांना परवानगी असेल.
