मुंबई- 'पप्पी दे पारूला' म्हणत प्रेक्षकांच्या घराघरात पोहोचलेली अभिनेत्री सोशल मीडियावर प्रचंड सक्रिय असते. ती तिच्या वैयक्तिक आयुष्यातील आणि नवनवीन प्रोजेक्टबद्दलची माहिती चाहत्यांसोबत नेहमीच शेअर करत असते. तिच्या फोटोंनाही चाहत्यांकडून चांगला प्रतिसाद मिळत असतो. कधी ती नऊवारी साडी नेसून ती चाहत्यांच्या हृदयाचा ठोका चुकवते तर कधी बिकनी घालून आपल्या मादक अदा दाखवते. तिच्या प्रत्येक लुकचं सोशल मीडियावर कौतुक होतं. नुकताच स्मिताने चाहत्यांसोबत एक व्हिडीओ शेअर केला ज्यात ती मर्दानी खेळ खेळताना दिसत आहे. विशेष म्हणजे साडीत ती हा खेळ खेळताना दिसते. स्मिता कलर्स मराठीवरील 'बिग बॉस' च्या पहिल्या सीझनची स्पर्धक होती. तिने तिच्या कौशल्याच्या जोरावर पहिल्या तीन क्रमांकांमध्ये स्थान मिळवलं होतं. 'बिग बॉस' मध्ये प्रेक्षकांना खरी स्मिता कळली. प्रेक्षकांनी तिचं कौतुक केलं. तिच्या गोड वागण्याने तिने मराठी रसिकांची मनं जिंकून घेतली. आता स्मिताने तिच्या इन्स्टाग्रामवर एक व्हिडिओ शेएर केला. यात तिने पांढऱ्या रंगाची साडी नेसत मर्दानी खेळाची एक झलक दाखवली. या व्हिडिओला कॅप्शन देताना तिने लिहिलं की, 'जिजाऊंच्या लेकी आम्ही, भीत नाही कोणाला..! कर्तृत्वा संगे धैर्य दिलं राजांनी आमच्या जगण्याला ! मागे हटणार नाही, लाख संकटे आली तरी झुकणार नाही..!' स्मिता गोंदकरच्या कामाबद्दल बोलायचं झालं तर सध्या ती झी मराठीवरील 'काय घडलं त्या रात्री' या मालिकेत काम करत आहे. अल्पावधीतच तिची ही भूमिका प्रेक्षकांना आवडली आहे.
