मुंबई: मनोरंजनसृष्टीत अलीकडे अनेक जण निर्मात्याच्या खुर्चीत बसले. यात आता आणखी एका मोठ्या नावाची भर पडतेय. ऑस्कर विजेता संगीतकार यांनी आता निर्मितीक्षेत्रात पदार्पण केलं आहे. त्यांच्या निर्मिती संस्थेचा पहिला चित्रपट '' लवकरच सिनेमागृहात झळकणार आहे. विश्वेश कृष्णमूर्ती दिग्दर्शित या संगीतमय चित्रपटाची कथा संगीतकार बनू इच्छिणाऱ्या एका संघर्ष करणाऱ्या गायकाची आहे. कला आणि स्वतःचा शोध घेणाऱ्या तरुणाची ही गोष्ट आहे. या चित्रपटात नवोदित कलाकार एहान भट, एडिलसी वर्गीज आणि मूळ तिबेटचा असलेला भारतीय अभिनेता तेन्झिन डल्हा हे मुख्य भूमिकेत आहेत. चित्रपटाचे सहलेखन करणाऱ्या रहमान यांनी हिंदी, तमिळ आणि तेलुगू भाषेत हा चित्रपट सिनेमागृहात प्रदर्शित होणार असल्याची घोषणा सोशल मीडियावर केली आहे. ते म्हणाले, 'कळवण्यास आनंद होतोय की, '९९ साँग्ज' हा चित्रपट १६ एप्रिलला हिंदी, तमिळ आणि तेलुगू भाषेत सिनेमागृहात प्रदर्शित होईल. या चित्रपटाचं संगीत अर्थातच ए. आर. रहमान यांनी स्वतः केलं आहे. अभिनेता लिसा रे, मनीषा कोईराला, आदित्य सील, संगीतकार-ढोलकी वादक रणजित बरोट आणि राहुल राम यांच्याही यात सह-भूमिका आहेत.
