रायपूर : देशभर सुरू असतानाच छत्तीसगडमध्ये एक नवं प्रकरण उजेडात आलंय. छत्तीसगडमधील जिल्हा दंडाधिकाऱ्यांनी करोना लसीचे दोन्ही डोस घेतल्यानंतरही काही दिवसांनी ते आढळले आहेत. त्यामुळे, करोना लसीकरण मोहिमेवर नव्यानं प्रश्नचिन्ह उभं राहिलंय. छत्तीसगडच्या जाजगीर भागाचे यशवंत कुमार हे गुरुवारी करोना संक्रमित आढळले आहेत. खुद्द जिल्हाधिकाऱ्यांनीच ही माहिती सोशल मीडियाद्वारे दिली आहे. सोबतच त्यांनी आपल्या संपर्कात आलेल्या लोकांनाही करोना चाचणी करण्याचं आवाहन केलं आहे. उल्लेखनीय म्हणजे, आयएएस अधिकारी असलेल्या यशवंत कुमार यांनी करोना लसीकरण मोहिमेत सहभागी होत लसीचे दोन्ही डोस घेतले होते. मात्र, दुसरा डोस घेतल्यानंतर तीन दिवसांनी करोना चाचणीत ते असल्याचं समोर आलं. मात्र, यशवंत कुमार यांच्यात करोनाची कोणतीही लक्षणं आढळली नव्हती. जिल्हाधिकारी यशवंत कुमार यांनी करोना लसीचा पहिला डोस ८ फेब्रुवारी रोजी घेतला होता. त्यानंतर ८ मार्च रोजी त्यांनी करोना लसीचा दुसरा डोस घेतला. त्यानंतर तीन दिवसांनी गुरुवारी त्यांची अॅन्टीजेन चाचणी करण्यात आली. यामध्ये ते करोना पॉझिटिव्ह आढळले आहेत. खबरदारीचा उपाय म्हणून त्यांच्या कुटुंबीयांचीदेखील करोना चाचणी करण्यात आलीय. परंतु, सर्वांची चाचणी निगेटिव्ह आली आहे. जिल्हाधिकारी यशवंत कुमार यांना होम आयसोलेशनमध्ये ठेवण्यात आलंय. करोना लस घेताना जिल्हाधिकारी यशवंत कुमार यांनी स्वत: कोविड लस पूर्णत: सुरक्षित असल्याचा दावा केला होता. तसंच नागरिकांनाही लस घेण्याचं आवाहन करताना ते दिसले होते. परंतु, आता यशवंत कुमार हेच करोना पॉझिटिव्ह आढळल्यानंतर करोना लसीकरणावर प्रश्नचिन्ह निर्माण करण्यात येत आहेत.
