मुंबई- बॉलिवूडमधील बिग बजेट '' हा चित्रपट लवकरच प्रेक्षकांच्या भेटीला येणार आहे. दिग्दर्शक ओम राऊत याचं दिग्दर्शन असलेल्या या सिनेमाचं चित्रीकरणही सुरू झालं असून त्यात दाक्षिणात्य लोकप्रिय अभिनेता मुख्य भूमिका साकारणार आहे. त्यासोबत बॉलिवूडचा प्रसिद्ध अभिनेता सैफ अली खान आणि अभिनेत्री क्रिती सेनॉन यांच्याही महत्त्वपूर्ण भूमिका आहेत. या चित्रपटाबाबत चाहत्यांमध्ये प्रचंड उत्सुकता आहे. चित्रपटाशी निगडीच मिळालेल्या नवीन माहितीनुसार या चित्रपटात एका मराठमोळ्या अभिनेत्रीच्या नावाची वर्णी लागली आहे. ओम याच्या 'तान्हाजी द अनसंग वॉरिअर' या चित्रपटानंतर 'आदिपुरुष' हा दुसरा बिग बजेट चित्रपट आहे. या चित्रपटात मराठी चित्रपटसृष्टीतील अभिनेत्री एका महत्त्वपूर्ण भूमिकेत दिसणार आहे. तृप्तीने स्वतः सोशल मीडियावर पोस्ट शेअर करत यासंबंधीची माहिती दिली. तिने इन्स्टाग्राम अकाउंटवर चित्रपटाच्या मुहूर्ताची सुरुवात झाल्याचा फोटो चाहत्यांसोबत शेअर केला. ज्यात तिने ओमचे आभार मानले आहेत. या चित्रपटात काम करायला मिळणं हा एक वेगळा अनुभव असल्याचं तिने सांगितलं. तृप्ती ही जेष्ठ मराठी अभिनेते मधुकर तोरडमल यांची मुलगी आहे. यापूर्वीही तिने काही चित्रपटात काम केलंय. अभिनेता जॉन अब्राहम याची निर्मिती असलेला 'सविता दामोदर परांजपे' या चित्रपटातून तृप्तीने मराठी सिनेसृष्टीत पदार्पण केलं. त्यानंतर तिच्या 'फत्तेशिकस्त' या ऐतिहासिक चित्रपटातील भूमिकाही प्रचंड गाजली होती. प्रेक्षकांनी तिच्या भूमिकेचं कौतुक केलं होतं. तृप्ती सोशल मीडियावरदेखील प्रचंड सक्रिय असते. सोशल मीडियावर तिच्या फोटोंची चर्चा असते. ती तिचे निरनिराळ्या अंदाजातील फोटो चाहत्यांसोबत शेअर करत असते.
