नवी दिल्ली : मंगळवारी सकाळी जाहीर करण्यात आलेल्या आकडेवारीनुसार, भारतात एका दिवसात कोविड १९ चे १५,३८८ नवीन रुग्ण आढळले आहेत. यानंतर देशात संक्रमितांची संख्या १ कोटी १२ लाख ४४ हजार ७८६ वर पोहचलीय. केंद्रीय आरोग्य मंत्रालयानं जाहीर केलेल्या आकडेवारीनुसार, देशात सध्या १ लाख ८७ हजार ४६२ रुग्णांवर उपचार सुरू आहेत. तर याच दिवशी करोनामुळे ७७ जणांनी आपले प्राण गमावले. यानंतर एकूण मृतांची संख्या १ लाख ५७ हजार ९३० वर पोहचलीय. देशात आतापर्यंत तब्बल १ कोटी ०८ लाख ९९ हजार ३९४ जणांनी करोना संक्रमणावर यशस्वीरित्या मात केली आहे. अॅक्टिव्ह रेट : १.६७ टक्के रुग्णांचा बरे होण्याचा दर : ९६.९३ टक्के मृत्यू दर : १.४० टक्के करोना चाचण्यांची संख्या भारतीय आयुर्विज्ञान संशोधन परिषदेनुसार, (ICMR) देशात ८ मार्चपर्यंत २२ कोटी २७ लाख १६ हजार ७९६ नमुन्यांची कोविड चाचणी करण्यात आली आहे. यातील ७ लाख ४८ हजार ५२५ नमुन्यांची चाचणी सोमवारी केवळ एका दिवसात करण्यात आली. लसीकरणाचा वेग देशात सुरु असलेल्या करोना लसीकरण मोहिमेत एव्हाना लस दिल्या गेलेल्या नागरिकांची संख्या २ कोटी ३० लाख ०८ हजार ७३३ आहे.
