नवी दिल्ली : सोमवारपासून संसदीय अर्थसंकल्पीय अधिवेशनाच्या दुसऱ्या टप्प्याला सुरुवात झाली आहे. पहिल्याच दिवशी संसदेत आणि गॅस दरवाढीच्या मुद्यावरून जोरदार संसदेत जोरदार गोंधळ दिसून आला होता. आज दुसऱ्या दिवशी सकाळी ११.०० वाजता दोन्ही सदनांतून कामकाजाला सुरुवात होतेय. LIVE अपडेट - सकाळी ११.०० वाजता या दोन्ही सदनांतून कामकाजाला सुरुवात - संसदीय अर्थसंकल्पीय अधिवेशनाचा कालावधी कमी केला जाऊ शकतो, अशी माहिती सूत्रांकडून मिळतेय - एकूण पाच राज्य आणि केंद्रशासित प्रदेशात २७ मार्चपासून सुरू होणाऱ्या पहिल्या टप्प्यातील मतदानापूर्वी हे अधिवेशन संपुष्टात येऊ शकतं. - तृणमूल काँग्रेसकडून अध्यक्षांना पत्र लिहून संसदेचं अधिवेशन संपुष्टात आणण्याची मागणी करण्यात आलीय. सोमवारी राज्यसभेत विरोधी पक्षांनी पेट्रोल - डिझेलच्या दरवाढीवरून सरकारला घेरण्याचं निश्चित केलेलं दिसलं. या मुद्यांवर संसदेत चर्चेची मागणी विरोधकांनी रेटून धरली. मुख्य विरोधी पक्ष काँग्रेसनं संसदेत महागाईचा मुद्दा लावून धरलाय.
