वॉशिंग्टन: करोनाच्या संसर्गाला अटकाव करण्यासाठी अनेक देशांमध्ये लसीकरणावर जोर देण्यात येत आहे. करोना लशीच्या परिणामकतेबाबत चर्चा सुरू असताना एक मोठा दावा करण्यात आला आहे. करोनाच्या लशीमुळे करोनाच्या आजारामुळे रुग्णालयात दाखल होण्याची शक्यता कमी होत असल्याचे म्हटले आहे. करोना विषाणूपासून बचाव करण्यासाठी लसीकरण वेगाने सुरू आहे. लसीकरणानंतर करोनाचा संसर्ग झाल्यामुळे रुग्णालयात दाखल होण्याचा आणि मृत्यू होण्याचा धोका कमी होत असल्याचे समोर आले आहे. फेडरल अभ्यासात हा दावा करण्यात आला आहे. करोनाला अटकाव करण्यासाठी फायजर-बायोएनटेक आणि मॉडर्ना लस घेतलेल्या वृद्ध प्रौढांना रुग्णालयात दाखल होण्यापासून रोखण्यासाठी अत्यंत प्रभावी आहेत. ज्यामध्ये, आजारपण आणि मृत्यूचे प्रमाण अधिक आहे. वाचा: अमेरिकेच्या रोग नियंत्रण आणि प्रतिबंधक केंद्राने (सीडीसी) म्हटले की, या अभ्यासातून समोर आलेले निष्कर्ष अपेक्षित होते. दोन्ही लशी करोना आजाराविरोधात प्रभावी असल्याचे याआधीच चाचणीत सिद्ध झाले होते. वाचा: सीडीसीने नुसार, ६५ वर्ष आणि त्यापुढील वयांच्या व्यक्तींचे लसीकरण पूर्ण झाल्यानंतर लस न घेतलेल्या इतरांच्या तुलनेत रुग्णालयात दाखल करण्याची शक्यता ९४ टक्के कमी झाली होती. तर, लशीचा पहिलाच डोस घेतलेल्यांच्या तुलनेत ही शक्यता ६४ टक्के इतकी कमी दिसून आली. वाचा: वाढत्या वयानुसार गंभीर आजार होण्याची शक्यता वाढते आणि त्यामुळेच अधिक वयाच्या व्यक्तींना बाधा होण्याची शक्यता असते. त्यासाठीच सीडीसीने या वयोगटातील नागरिकांना लसीकरणात प्राधान्य दिले होते. ब्रिटनमध्ये करोना लशीमुळे संसर्गात घट ऑक्सफर्ड/अॅस्ट्राझेनेका किंवा फायजर/बायोटेक या लशींच्या एका मात्रेने करोनाचा प्रसार ५० टक्क्यांपर्यंत कमी झाल्याचे पब्लिक हेल्थ इंग्लंडने (पीएचई) केलेल्या नव्या अभ्यासात आढळले आहे. राष्ट्रीय आरोग्य सेवेमार्फत राबविल्या जाणाऱ्या लसीकरण कार्यक्रमांतर्गत ज्या व्यक्तींना लशीची एक मात्रा देण्यात आली आणि ज्यांना तीन आठवड्यांच्या आत करोनाचा संसर्ग झाला होता, त्यांच्याकडून लसीकरण न झालेल्या व्यक्तींमध्ये करोना विषाणूचा प्रसार होण्याचे प्रमाण ३८ ते ४९ टक्के कमी होते.
