संयुक्त राष्ट्र: करोना संसर्गाच्या दुसऱ्या लाटेने भारतात थैमान घातले आहे. करोनाबाधितांच्या वाढत्या संख्येमुळे आरोग्य व्यवस्था कोलमडली असल्याचे चित्र आहे. आंतरराष्ट्रीय पातळीवरही याची दखल घेतली जात आहे. भारतात करोनाच्या संसर्ग फैलावण्यासाठी जबाबदार असलेल्या घटकांची कारणीमिमांसा जागतिक आरोग्य संघटनेने केली आहे. जागितक आरोग्य संघटनेने दिलेल्या माहितीनुसार, भारतातील करोना वाढीसाठी काही कारणे महत्त्वाची असून त्यामध्ये विविध धार्मिक-राजकीय कार्यक्रमांमध्ये झालेली मोठी गर्दी हेदेखील हे एक कारण आहे. वाचा: जागतिक आरोग्य संघटनेने बुधवारी जाहीर केलेल्या साप्ताहिक अहवालात म्हटले की, भारतात B.1.617 वेरिएंट सर्वात पहिल्यांदा ऑक्टोबर २०२० मध्ये आढळला होता. भारतात करोनाबाधितांची आणि मृतांची वाढती संख्या व B.1.617 वेरिएंटसह इतर वेरिएंटच्या भूमिकेबाबत महत्त्वाचे प्रश्न उपस्थित झाले आहेत. या अहवालानुसार, भारतात करोनाचा प्रसार होण्यासाठी विविध घटक कारणीभूत आहेत. यामध्ये करोनाच्या वेरिएंटनेही भूमिका बजावली आहे. मोठ्या गर्दीत पार पडलेले धार्मिक, राजकीय कार्यक्रमही करोना संसर्गाच्या फैलावास जबाबदार असल्याचे जागतिक आरोग्य संघटनेने म्हटले आहे. भारतात करोनाचा प्रसार होण्यासाठी कोणती गोष्ट किती कारणीभूत ठरली हे स्पष्ट झाले नसल्याचे अहवालात म्हटले. वाचा: दरम्यान, करोनाच्या B.1.617 या व्हेरियंटला 'भारतीय व्हेरियंट' असं नाव देण्याला केंद्र सरकारने आक्षेप घेतला आहे. जागतिक आरोग्य संघटनेने (who report) माहिती देताना 'भारतीय' या शब्दाचा उल्लेख केला नाही, असं केंद्र सरकारने म्हटलं आहे. तसंच WHO नेही ट्वीटमध्ये यासंदर्भात स्पष्ट केलं आहे. व्हेरियंटची ओळख ज्या देशात तो आढळून आला आहे त्या देशाच्या नावाने केली जाऊ नये, असं WHO ने म्हटलं आहे. वाचा: 'करोनाच्या B.1.617 या व्हेरियंटमुळे जागाची चिंता वाढवली आहे, असं WHO ने सांगितल्याचं अनेक मीडिया रिपोर्टमध्ये म्हटलं आहे. यासोबतच यातील काही मीडिया रिपोर्टमध्ये करोनाच्या B.1.617 व्हेरियंटला 'भारतीय व्हेरियंट' असा म्हटलं आहे. हे मीडिया रिपोर्ट्स निराधार आहेत', असं केंद्राने एका निवेदनातून म्हटलं आहे.
