नवी दिल्ली : आणि उत्तर प्रदेशचे यांच्यात काहीतरी बिनसल्याच्या जोरदार चर्चा सुरू आहेत. याच दरम्यान सोशल मीडियावरही '' ( #ModiVsYogi ) हा हॅशटॅग ट्रेन्डिंगवर आहे. नुकताच योगी आदित्यनाथ यांचा वाढदिवस होता. या दिवशीही पंतप्रधान नरेंद्र मोदींसहीत भाजपच्या अनेक दिग्गज नेत्यांनी योगींना नेहमीप्रमाणे सोशल मीडियावरून वाढदिवसाच्या शुभेच्छा दिल्या नाहीत. सोशल मीडियाचा प्रभावी वापर करणारे भाजपचे अनेक नेते योगींचा वाढदिवस कसे विसरू शकतात? असा कयास लावतानाच मोदी आणि योगी यांच्यात सर्व काही आलबेल नसल्याच्या चर्चांना आणखीनच हवा मिळाली. भाजपच्या या अंतर्गत वादाच्या चर्चेला विरोधकांकडूनही अधोरेखित केलं जातंय. आम आदमी पक्षाचे नेते आणि समर्थकही #ModiVsYogi या हॅशटॅगचा वापर करताना दिसत आहेत. मात्र, काही भाजप समर्थकांच्या मते आगामी उत्तर प्रदेश विधानसभा निवडणुकीच्या पार्श्वभूमीवर हा विरोधकांचा कट आहे. मोदी आणि योगी यांच्यात सर्व काही आलबेल असल्याचा दावा या पक्षाकडून व्यक्त केला जात आहे. दोन्ही बाजुंना झुकलेले अनेक लोक #ModiVsYogi या ट्रेन्डमध्ये सहभागी झाले आहेत. आगामी उत्तर प्रदेश विधानसभा निवडणुकीच्या पार्श्वभूमीवर ही चर्चा आणखीही काही दिवस सुरू राहण्याची शक्यता आहे.
