नवी दिल्ली: करोना व्हायरसमुळे स्थगित करण्यात आलेल्या आयपीएल २०२१चे दुसरे सत्र युएईमध्ये होणार आहे. या दुसऱ्या सत्रासंदर्भात बीसीसीआयने एक मोठी घोषणा केली आहे. या सत्राची सुरुवात दोन चॅम्पियन संघादरम्यान होणार आहे. वाचा- आयपीएलचे दुसरे सत्र १९ सप्टेंबरपासून युएईमध्ये सुरू होणार असून या सत्राची सुरुवात रोहित शर्माच्या नेतृत्वाखालील मुंबई इंडियन्स आणि महेंद्र सिंह धोनीच्या नेतृत्वाखालील चेन्नई सुपर किंग्ज या दोन चॅम्पियन संघात होणार आहे. बायो बबलमध्ये करोनाचा प्रवेश झाल्याने आयपीएलचे सामने चार मे रोजी स्थगित करण्यात आले होते. वाचा- बीसीसीआयच्या एका अधिकाऱ्याने एएनआय वृत्तसंस्थेशी बोलताना आयपीएलच्या दुसऱ्या सत्राच्या तारखा आणि लढती संदर्भात सांगितले. १९ सप्टेंबर रोजी मुंबई आणि चेन्नई यांच्या सामन्याने आयपीएलच्या दुसऱ्या सत्राला सुरुवात होईल. क्वालिफायल १ १० ऑक्टोबर, एलिमेनेटर ११ ऑक्टोबर रोजी तर क्वालिफायल २ ऑक्टोबर रोजी खेळवली जाईल. अंतिम मॅच १५ ऑक्टोबर रोजी होईल. वाचा- आयपीएलच्या या दुसऱ्या सत्रात जास्ती जास्त विदेशी खेळाडू उपलब्ध असतील. आयपीएलनंतर युएईमध्येच टी-२० वर्ल्डकप होणार आहे. आयपीएलमध्ये वेस्ट इंडिजचे खेळाडू सहभागी व्हावेत म्हणून कॅरेबियन प्रीमिअर लीगच्या तारखांमध्ये बदल करण्यात आले आहेत. ही स्पर्धा २६ ऑगस्ट ते १५ सप्टेंबर या काळात होईल.
