सबिना पार्क : वेस्ट इंडिजने किंग्स्टन कसोटीत पाकिस्तानचा १ गडी राखून पराभूत केले आणि आयसीसी वर्ल्ड टेस्ट चॅम्पियनशिप मोहिमेची दमदार सुरुवात केली. वेस्ट इंडिजला चौथ्या डावात विजयासाठी १६८ धावांची गरज होती आणि १५१ धावांवर त्यांचे नऊ गडी बाद झाले होते. पराभव जवळपास निश्चित वाटत होता, पण १९ वर्षीय जेडन सील्सने ११ व्या क्रमांकावर फलंदाजी करत संघाला विजय मिळवून दिला. त्याने केमार रोच (नाबाद ३०) सोबत शेवटच्या विकेटसाठी १७ धावांची नाबाद भागीदारी केली. सील्सने १३ चेंडू खेळल्यानंतर २ धावा केल्या. हा सामना त्याच्यासाठी संस्मरणीय होता. कारण त्याने दुसऱ्या डावात ५ विकेटही घेतल्या होत्या. ५ विकेट घेणारा तो विंडीजचा सर्वात तरुण गोलंदाज बनला आहे. सील्सने पहिल्या डावात ३ विकेट्स घेतल्या होत्या. वाचा- पाकिस्तान आणि त्यातही पाकचा यष्टीरक्षक मोहम्मद रिझवान यांच्या हा पराभव नक्कीच जिव्हारी लागणारा आहे. कारण वेस्ट इंडिजला विजयासाठी ६ धावांची गरज होती. त्यावेळी हसन अलीचा एक चेंडू केमार रोचच्या बॅटची किनार घेऊन विकेटच्या मागे गेला. रिझवानने झेप घेतली, पण चेंडू रिझवानच्या ग्लोव्हजमध्ये आला नाही आणि चेंडू सीमारेषेबाहेर गेला. रोचला मिळालेले हे तिसरे जीवनदान होते. आणि ते वाया जाऊ दिलं नाही. ३ चेंडूंनंतर हसनच्याच चेंडूवर कव्हर पॉईंटच्या दिशेने शॉट मारत उरलेल्या दोन धावा काढल्या आणि संघाच्या विजयावर शिक्कामोर्तब केले. आणि ड्रेसिंग रुममध्ये बसलेल्या कॅरेबियन खेळाडूंनी आनंदोत्सव साजरा करण्यास सुरवात केली. वाचा- वाचा- पाकच्या २०३ धावा त्याआधी पाकिस्तानने आपल्या दुसऱ्या डावात ५ बाद १६० पासून पुढे खेळण्यास सुरुवात केली, पण रोचच्या चेंडूवर फहीम अशरफ विकेट गमावून बसला. अशरफ २० धावा काढून बाद झाला. त्यानंतर २ षटकांनंतर काइल मायर्सने पाकिस्तानी कर्णधार बाबर आझमला जेसन होल्डरकडे स्लिपमध्ये झेल देण्यास भाग पाडले. आणि पाकिस्तानच्या मोठ्या धावसंख्येच्या आशा संपुष्टात आल्या. ५५ धावा करून आझम बाद झाला. आझम बाद झाल्यानंतर पाकिस्तानचा डाव पूर्णपणे ढासळला आणि सील्सने पाकचे शेपूट गुंडाळून टाकले. दोन्ही देशांमधील मालिकेतील दुसरी आणि शेवटची कसोटी या आठवड्यात शुक्रवारपासून (२० ऑगस्ट) खेळली जाणार आहे. वाचा-
