मुंबई : भांडवली बाजारातील तेजीला ब्रेक लागला आहे. आज शुक्रवारी नफेखोरांनी विक्रीचा सपाटा लावल्याने बाजार सुरु होताच सेन्सेक्समध्ये २०० अंकांची घसरण झाली होती. १६६४० अंकापर्यंत खाली आला. आज बाजार सुरु होताच निर्देशांकांची घसरणीने सुरुवात झाली. सेन्सेक्स मंचावरील ३० पैकी १६ शेअर घसरले. ज्यात सन फार्मा, एचडीएफसी बँक, एचसीएल टेक, टीसीएस, एसबीआय, ऍक्सिस बँक, एचडीएफसी, आयसीआयसीआय बँक, टेक महिंद्रा, इंडसइंड बँक, इन्फोसिस या शेअरमध्ये घसरण झाली. दुसऱ्या बाजूला एल अँड टी, टाटा स्टील, बजाज फायनान्स, भारती एअरटेल, डॉ. रेड्डी लॅब, बजाज फिनसर्व्ह, अल्ट्राटेक सिमेंट, मारुती, कोटक बँक, आयटीसी, एनटीपीसी, रिलायन्स इंडस्ट्रीज या शेअरमध्ये वाढ झाली आहे. आज धातू क्षेत्रात खरेदीचा ओघ दिसून आला. सेल, जिंदाल साॅ, टाटा स्टील, नाल्को, हिंदाल्को, हिंदुस्थान कॉपर या शेअरमध्ये वाढ झाली आहे. सध्या सेन्सेक्स ५५९४८ अंकावर स्थिर आहे. तर निफ्टीमध्ये १८ अंकांची वाढ झाली असून तो १६६५५ अंकावर ट्रेड करत आहे. करोना डेल्टा व्हेरिएंटचा वाढत प्रभाव आणि अफगाणिस्तानमधील युद्धयजन्य परिस्थिती या पार्श्वभूमीवर परदेशी गुंतवणूकदार धास्तावले आहेत. त्यांनी भारतसह उदयोन्मुख बाजारातून पैसे काढण्याचा सपाटा लावला आहे. गुरुवारी परदेशी संस्थात्मक गुंतवणूकदारांनी बाजारातून १९७४ कोटीची गुंतवणूक काढून घेतली. त्यामुळे स्थानिक संस्थात्मक गुंतवणूकदार आणि किरकोळ गुंतवणूकदारांना फटका बसल्याचे जिओजित फायनान्शिअल सर्व्हिसेसचे गुंतवणूक विश्लेषक व्ही. के. विजयकुमार यांनी सांगितले. निफ्टीसाठी १६७०० ची पातळी निर्णायक राहील तर तो १६५०० ते १६६०० च्या दरम्यान राहण्याची शक्यता अँजेल ब्रोकिंगचे शेअर बाजार विश्लेषक समीत चव्हान यांनी सांगितले. आज आशियातील शेअर बाजारात संमिश्र वातावरण दिसून आले. जपान, हाँगकाँगमधील झाली.
