लीड्स: इंग्लंडविरुद्धच्या तिसऱ्या कसोटीत भारतीय संघ बॅकफुटवर असला तरी टीम इंडियाच्या जलद गोलंदाजांनी चांगली कामगिरी केली. भारताचा आघाडीचा जलद गोलंदाज मोहम्मद शमीने ३ विकेट मिळवल्या. या तीन विकेटसह त्याने एक खास विक्रम देखील स्वत:च्या नावावर केला. वाचा- मोहम्मद शमीने SENA म्हणजे दक्षिण आफ्रिका, इंग्लंड, न्यूझीलंड, ऑस्ट्रेलिया या देशांच्याविरुद्ध १०० विकेट पूर्ण केल्या. अशी कामगिरी करणारा शमी पाचवा गोलंदाज आहे. याआधी कपिल देव, अनिल कुंबळे, जहीर खान आणि इशांत शर्मा यांनी अशी कामगिरी केली आहे. तर SENA देशाविरुद्ध सर्वात वेगाने १०० विकेट घेणारा चौथा गोलंदाज ठरलाय. वाचा- भारताकडून अशी कामगिरी सर्व प्रथम कपिल देव यांनी केली होती. तर या देशांविरुद्ध भारताकडून सर्वाधिक विकट अनिल कुंबळेने घेतल्या आहेत. कुंबळेने ३५ कसोटीत १४१ विकेट मिळवल्या आहेत. इशांतने १३०, जहीर खानने ११९ तर देव यांनी ११७ गडी बाद केले आहेत. वाचा- तिसऱ्या कसोटीच्या पहिल्या डावात इंग्लंडच्या रॉरी बर्न्सची विकेट घेत शमीने हा विक्रम केला. त्याने फक्त २९ कसोटीत ही कामगिरी केली. शमीने आतापर्यंत ५४ कसोटी खेळल्या आहेत. वाचा- लीड्स कसोटीत भारताची फलंदाजी अतिशय खराब झाली. पहिल्या डावात ७८ धावा केल्यानंतर आता भारत ३४५ धावांनी पिछाडीवर आहे. इंग्लंडकडून पहिल्या डावात कर्णधार जो रूटने शतक झळकावले. रुटचे कसोटीमधील २३वे तर भारताविरुद्धचे आठवे शतक ठरले.
