मुंबई : मागील महिनाभरात कच्च्या तेलाच्या किमतीत झालेल्या घसरणीचा लाभ ग्राहकांना देण्याच्या दृष्टीने आज पुन्हा एकदा कंपन्यांनी इंधन दरात कपात केली. आज मंगळवारी पेट्रोल आणि डिझेल दरात प्रत्येकी १५ पैशांची कपात करण्यात आली. काल सोमवारी पेट्रोल आणि डिझेल दर स्थिर ठेवण्यात आले होते. आज मंगळवारी मुंबईत एक लीटर पेट्रोलचा भाव १०७.५२ रुपये झाला आहे. रविवारी ३५ दिवसांनंतर पेट्रोल २० पैशांनी स्वस्त झाले होते. आज दिल्लीत पेट्रोल १०१.४९ रुपये झाला आहे. चेन्नईत पेट्रोलचा भाव ९९.२० रुपये इतका आहे. कोलकात्यात एक लीटर पेट्रोल १०१.८२ रुपये झाला आहे. भोपाळमध्ये साध्या पेट्रोलचा भाव १०९.९१ रुप्यानापर्यंत खाली आला आहे. बंगळुरात पेट्रोल १०४.९८ रुपये झाले आहे. दरम्यान, आज कंपन्यांनी डिझेल दरात कपात केली. या दर कपातीनंतर आज मुंबईत ९६.४८ रुपयांपर्यंत खाली आला आहे. दिल्लीत डिझेल ८८.९२ रुपये झाला आहे. चेन्नईत ९३.५२ रुपये आणि कोलकात्यात डिझेलचा भाव ९१.९८ रुपये प्रती लीटर इतका आहे. भोपाळमध्ये डिझेलचा भाव ९७.७२ रुपये झाला असून बंगळुरात डिझेल ९४.३४ रुपये झाला आहे. गेल्या आठवड्यात जागतिक कमॉडिटी बाजारात कच्च्या तेलाच्या किमतीत ७ टक्के घसरण झाली होती. मात्र सोमवारी तेलाची मागणी वाढली. ब्रेंट क्रूडचा भाव ३.३९ डॉलरची वाढ झाली. तेलाचा भाव ६८.५७ डॉलर प्रती बॅरल झाला. डब्ल्यूटीआय क्रूडचा भाव ३.२८ डॉलरने वधारला आणि तो ६५.४६ डॉलरवर स्थिरावला होता.
